കൊച്ചി : വായന ലഹരിയാക്കാൻ യുവാക്കൾക്ക് കഴിയണം എന്നും പുതു തലമുറയെ സജ്ജരാക്കാൻ പുസ്തകോത്സവ സമിതി നേതൃത്വം നൽകണം എന്നും മധു എസ്. നായർ പറഞ്ഞു. 29-ാം കൊച്ചി അന്താരാഷ്ട്ര പുസ്തകൊത്സവം സ്വാഗതസംഘത്തിന്റെ നേതൃത്വം ഏറ്റെടുത്തു പ്രസംഗിക്കുകയായിരുന്നു അദ്ദേഹം. ബി.ടി.എച്ചിൽ നടന്ന ചടങ്ങിൽ നവതി നിറവിൽ എത്തിയ പ്രശസ്ത എഴുത്തുകാരൻ കെ. എൽ. മോഹനവർമ്മയെ ചടങ്ങിൽ ആദരിച്ചു. വായന നമ്മെ മാനവികതയുടെ അർത്ഥപൂർണമായ തലത്തിലേയ്ക്ക് ഉയർത്തുമെന്നും പുതിയ തലമുറയെ വായനയുടെ സാഗരത്തിലേയ്ക്ക് നയിക്കാൻ നാം ശ്രമിയ്ക്കണമെന്നും അദ്ദേഹം ആവശ്യപ്പെട്ടു.
ഇ.എൻ. നന്ദകുമാർ അധ്യക്ഷത വഹിച്ച യോഗത്തിൽ ജസ്റ്റിസ് പി. എസ് . ഗോപിനാഥൻ , ജസ്റ്റിസ് . പി . എൻ. രവീന്ദ്രൻ , ഡോ . ടി . എസ് . ജോയ്, കെ.ആനന്ദ ബാബു , ലിജി ഭരത്, ഇ.എം ഹരിദാസ് , എൻ.ഡി . പ്രേമചന്ദ്രൻ , ശ്രീകുമാരി രാമചന്ദ്രൻ , ഐ.എസ്. കുണ്ടൂർ, കെ.വി. പി. കൃഷ്ണകുമാർ, പർവീൺ ഹഫീസ്, ടി.പി.എം ഇബ്രാഹിം ഖാൻ , ബി . പ്രകാശ് ബാബു എന്നിവർ പങ്കെടുത്ത് സംസാരിച്ചു.
Discussion about this post