പി.എൻ.ഹരികൃഷ്ണകുമാർ ദക്ഷിണ ക്ഷേത്ര സഹ സമ്പർക്ക പ്രമുഖ് ; എസ്.സുദർശൻ ആർ എസ് എസ് പ്രാന്തപ്രചാരക് 

അഹമ്മദാബാദ്: ആർ എസ് എസ് കേരള പ്രാന്തപ്രചാരകനായിരുന്ന പി.എൻ ഹരികൃഷ്ണ കുമാറിനെ ദക്ഷിണ ക്ഷേത്ര സഹ സമ്പർക്ക പ്രമുഖായി നിശ്ചയിച്ചു.  എസ് സുദർശനനാണ് പുതിയ പ്രാന്തപ്രചാരക് .നിലവിൽ കേരള  സഹ പ്രാന്തപ്രചാരകനായി പ്രവർത്തിച്ചു വരികയായിരുന്നു.പ്രാന്ത വിദ്യാർത്ഥി പ്രമുഖും എറണാകുളം സംഭാഗ്പ്രപ്രചാരകനുമായിരുന്ന വി.അനീഷ് സഹ പ്രാന്തപ്രചാരകനായിരിക്കും. അ.വിനോദ് സഹ പ്രാന്തപ്രചാരകനായി തുടരും.

കർണാവതിയിൽ സമാപിച്ച ആർഎസ്എസ് അഖില ഭാരതീയ പ്രതിനിധി സഭയിൽ സർകാര്യവാഹ് ദത്താത്രേയ ഹൊസബാളെയാണ് പുതിയ ചുമതലകൾ പ്രഖ്യാപിച്ചത്. സുദർശൻ ഇരുപത്തിയാറ്വർഷവും അനീഷ് പതിനേഴ്‌ വർഷവും പ്രചാരകരായി പ്രവർത്തിക്കുകയാണ്.

കേരളം, തമിഴ്നാട് ഉൾപ്പെടുന്ന ദക്ഷിണ ക്ഷേത്രത്തിൻ്റെ പ്രചാരക് പ്രമുഖ് ഒ.കെ.മോഹനനായിരിക്കും. പി.ആർ ശശിധരൻ ദക്ഷിണ ക്ഷേത്ര കാര്യകാരി അംഗമായി പ്രവർത്തിക്കും.