‘ഓർഗനൈസർ’ പ്രചാര പ്രവർത്തനങ്ങൾക്ക് തുടക്കമായി

പാലക്കാട്: ദേശീയ വാരികയായ ‘ഓർഗനൈസർ വീക്ക്ലി’യുടെ പ്രചാര പ്രവർത്തനങ്ങൾക്ക് കേരളത്തിൽ തുടക്കമായി. സെപ്തംബർ ഒന്നു മുതൽ ഇരുപത് വരെ നീളുന്ന പ്രചാര പ്രവർത്തനങ്ങളുടെ ഉദ്ഘാടനം പാലക്കാട് വ്യാസവിദ്യാപീഠത്തിൽ നടന്ന ചടങ്ങിൽ വെച്ച് പ്രജ്ഞാ പ്രവാഹ് ദേശീയ സംയോജകൻ ജെ നന്ദകുമാർ, ഓർഗനൈസറിന്‍റെ ആസാദി കാ അമൃത മഹോത്സവ് പ്രത്യേക പതിപ്പ് മുതിർന്ന മാധ്യമ പ്രവർത്തകനും ജന്മഭൂമി മുൻ പത്രാധിപരുമായ പി നാരായണന് നൽകി നിർവ്വഹിച്ചു. ഉദ്ഘാടനം നിർവഹിച്ചു. രാഷ്ട്രീയ സ്വയംസേവക സംഘം കേരള പ്രാന്ത സംഘചാലക് അഡ്വ.കെ.കെ. ബാലറാം, പ്രാന്ത കാര്യവാഹ് പി.എൻ ഈശ്വരൻ, ഓർഗനൈസർ വീക്ക്ലി ചീഫ് ന്യൂസ്
കോർഡിനേറ്റർ ഗണേഷ് രാധാകൃഷ്ണൻ എന്നിവർ ചടങ്ങിൽ പങ്കെടുത്തു.

പ്രചാര പ്രവർത്തനങ്ങളുടെ ഭാഗമായി ‘സെപ്തംബർ 4 ‘ഓർഗനൈസർ ദിനത്തിൽ സംസ്ഥാന വ്യാപകമായി പ്രമുഖരെ ഓർഗനൈസർ വരിക്കാരാക്കും. കേരളത്തിൽ പ്രത്യേക ഇളവോടു കൂടി 1450 രൂപയാണ് ഓർഗനൈസർ ഒരു വർഷത്തേക്കുള്ള വരിസംഖ്യ. ഇതോടൊപ്പം 350 രൂപ മുഖവിലയുള്ള ‘ബീയിംഗ് ഹിന്ദു’ എന്ന പുസ്തകം സൗജന്യമായി വാർഷിക വരിക്കാർക്ക് ലഭിക്കും.

1947 ജൂലൈ മാസം പ്രസിദ്ധീകരണം ആരംഭിച്ച ഓർഗനൈസർ മാധ്യമ മേഖലയിലെ എഴുപത്തിയഞ്ച് വർഷങ്ങൾ പൂർത്തീകരിക്കുകയാണ്. ഇന്ത്യൻ മാധ്യമ രംഗത്തിന് നിസ്തുലമായ സംഭാവനകൾ നൽകിയ ആഴ്ചപ്പതിപ്പിന്‍റെ ഓൺലൈൻ എഡിഷൻ www.organiser.org എന്ന വിലാസത്തിൽ ലഭ്യമാണ്.