കൊച്ചി: ഇന്ത്യൻ സൂപ്പർ ലീഗിലെ കേരളാ ബ്ലാസ്റ്റേഴ്സിന്റെ രണ്ടാം മത്സരത്തിൽ ജംഷഡ്പൂരിനെതിരെ ബ്ലാസ്റ്റേഴ്സ് ടീം ഗ്രൗണ്ടിലിറങ്ങിയത് അട്ടപ്പാടി പറമ്പിക്കുളം, നെന്മാറ, തളികക്കല്ല്, മണ്ണാർക്കാട്, അമ്പലപ്പാറ, കൊല്ലം മേഖലകളിലെ ആദിവാസി വിഭാഗത്തിലെ കുഞ്ഞുതാരങ്ങളുടെ കൈപിടിച്ചായിരുന്നു. ജംഷഡ്പൂര് എഫ്സിയെ എതിരില്ലാത്ത ഒരു ഗോളിന് തോല്പ്പിച്ചാണ് മഞ്ഞപ്പട കരുത്ത് കാട്ടി. കൊമ്പന്മാര്ക്കായി നായകൻ അഡ്രിയാൻ ലൂണ 74-ാം മിനിറ്റില് ഗോള് സ്വന്തമാക്കി. ഇരു ടീമും ഒപ്പത്തിനൊപ്പം പൊരുതിയ മത്സരത്തില് നായകൻ അഡ്രിയാൻ ലൂണയുടെ മികവാണ് മഞ്ഞപ്പടയ്ക്ക് വിജയം സമ്മാനിച്ചത്.
