തലശ്ശേരി: വിശ്വസേവാഭാരതിയുടെയും സക്ഷമ കേരള കണ്ണൂര്‍ ജില്ലാ കമ്മറ്റിയുടേയും ആഭിമുഖ്യത്തില്‍ തലശ്ശേരി മിഴി കണ്ണാശുപത്രിയുമായി സഹകരിച്ചു കൊണ്ട് നേത്ര പരിശോധനാ ക്യാമ്പും ഒറീക്കിള്‍ തലശ്ശേരിയുമായി സഹകരിച്ചു കൊണ്ട് കേള്‍വി പരിശോധനാ, സ്പീച്ച് അസസ്‌മെന്റ് ക്യാമ്പും നടത്തി. ചടങ്ങില്‍ ദിവ്യാംഗനായ ഇല്ലിക്കുന്ന് സ്വദേശി ലാലുവിന് മുച്ചക്ര വാഹനവും കൈമാറി. സക്ഷമ കണ്ണൂര്‍ ജില്ലാ വര്‍ക്കിങ്ങ് പ്രസിഡന്റ് എ. രാംപ്രകാശ് അദ്ധ്യക്ഷത വഹിച്ചു. ചടങ്ങില്‍ രാഷ്ട്രീയ സ്വയം സേവക് സംഘ് കണ്ണൂര്‍ വിഭാഗ് സംഘചാലക് അഡ്വ. എ.വി. ശ്രീനിവാസന്‍ ഉദ്ഘാടനം ചെയ്തു.വിശ്വസേവാഭാരതി സംസ്ഥാന ജനറല്‍ സെക്രട്ടറി പ്രതാപ് ഡി. പിള്ള മുച്ചക്രവാഹനം കൈമാറി. സക്ഷമ സംസ്ഥാന സംഘടനാ സെക്രട്ടറി വി.വി. പ്രദീപ്കുമാര്‍ സംഘടനാ പരിചയം നടത്തി. തലശ്ശേരി നഗരസഭാ കൗണ്‍സിലര്‍മാരായ അഡ്വ. മിലിചന്ദ്ര, മജ്മ, രാഷ്ട്രീയ സ്വയം സേവക് സംഘ് പ്രാന്തീയ സഹ ബൗദ്ധിക് പ്രമുഖ് പി.പി. സുരേഷ്ബാബു തുടങ്ങിയവര്‍ സംസാരിച്ചു. വിശ്വസേവാഭാരതി സംസ്ഥാന സംഘടനാ സെക്രട്ടറി പി.ആര്‍. രാജന്‍, സക്ഷമ സംസ്ഥാന ഉപാദ്ധ്യക്ഷന്‍ സി.സി. ഭാസ്‌ക്കരന്‍ എന്നിവര്‍ പരിപാടിയില്‍ സംബന്ധിച്ചു. സക്ഷമ ജില്ലാ ഓര്‍ഗനൈസിങ്ങ് സെക്രട്ടറി പി.വി. നിഷാന്ത് സ്വാഗതവും ജില്ലാ ട്രഷറര്‍ സജീവന്‍ കെ.വി. നന്ദിയും പറഞ്ഞു. ക്യാമ്പില്‍ 160 പേര്‍ പങ്കെടുത്തു.
Discussion about this post