കൊച്ചി: നാരദ ജയന്തി ആഘോഷവും പ്രൊഫ. എം. പി മന്മഥൻ സ്മാരക പുരസ്‌കാര സമർപ്പണവും നാളെ എറണാകുളം ടിഡിഎം നർമദ ഹാളിൽ. രാവിലെ 10ന് ചേരുന്ന യോഗത്തിൽ വിശ്വ സംവാദകേന്ദ്രം അധ്യക്ഷൻ എം. രാജശേഖരപ്പണിക്കർ അധ്യക്ഷനാകും. മുതിർന്ന മാധ്യമപ്രവർത്തകനും മാതൃഭൂമി മുൻ ന്യൂസ്‌ എഡിറ്ററുമായ കെ. ജി ജ്യോതിർഘോഷിനെ ആദരിക്കും “വാർത്താവതരണത്തിലെ സത്യവും മിഥ്യയും” എന്ന വിഷയത്തിൽ കാലടി ശ്രീശങ്കര സംസ്‌കൃത സർവകലാശാല മുൻ വിസി ഡോ. കെ. എസ് രാധാകൃഷ്ണൻ, കെ. ജി. ജ്യോതിർഘോഷ് എന്നിവർ സംസാരിക്കും. പ്രൊഫ. എം. പി മന്മഥൻ സ്മാരക പുരസ്‌കാരം മാതൃഭൂമി ലേഖകൻ വി. പി. ശ്രീലന് വിഎസ്കെ ചെയർമാൻ കെ. ആർ ഉമാകാന്തൻ സമ്മാനിക്കും. ജന്മഭൂമി ജനറൽ മാനേജർ കെ. ബി ശ്രീകുമാർ പ്രൊഫ. എം. പി മന്മഥൻ അനുസ്മരണ പ്രഭാഷണം നടത്തും. വി. പി ശ്രീലൻ മറുപടി പ്രസംഗം നടത്തും. വിശ്വസംവാദകേന്ദ്രം സെക്രട്ടറി ഷൈജു ശങ്കരൻ സ്വാഗതവും ആർ എസ് എസ് വിഭാഗ് പ്രചാർ പ്രമുഖ് പി. ജി സജീവൻ നന്ദിയും പറയും.
Discussion about this post