തിരുവനന്തപുരം: ഭാരതീയ വിചാരകേന്ദ്രം തിരുവനന്തപുരം സ്ഥാനീയ സമിതിയുടെ നേതൃത്വത്തിൽ മുതിർന്ന മാദ്ധ്യമ പ്രവർത്തകൻ മുരളി പാറപ്പുറം രചിച്ച “മലയാളി കാണാത്ത മാർക്സിൻ്റെ മുഖങ്ങൾ” പുസ്തകത്തിൻ്റെ പ്രകാശനവും ചർച്ചയും നാളെ വൈകിട്ട് 5.30ന് സ്റ്റാച്യൂവിലുള്ള സംസ്കൃതി ഭവനിൽ നടക്കും.
ഭാരതീയ വിചാരകേന്ദ്രം ഡയറക്ടർ ആർ. സഞ്ജയൻ അധ്യക്ഷത വഹിക്കുന്ന പുസ്തക പ്രകാശന ചടങ്ങിൽ കാർഷിക സർവ്വകലാശാല റിട്ട. പ്രൊഫസറും പ്ലാന്റ് ബ്രീഡിങ് & ജനറ്റിക്സ് വിഭാഗം മുൻ വകുപ്പ് മേധാവിയുമായ ഡോ. ആർ.ഗോപിമണി ഉദ്ഘാടനം നിർവഹിക്കും. ഇഗ്നോ തിരുവനന്തപുരം സീനിയർ റീജിയണൽ ഡയറക്ടർ ഡോ. എം.രാജേഷ് പുസ്തക പ്രകാശന കർമ്മം നിർവഹിക്കും. മാദ്ധ്യമ പ്രവർത്തകൻ എ.ഹരികുമാർ പുസ്തകം ഏറ്റുവാങ്ങും. തിരുവനന്തപുരം യൂണിവേഴ്സിറ്റി കോളേജ് ഫിലോസഫി വിഭാഗം മുൻ മേധാവി ഡോ.വി.സുജാത പുസ്തക പരിചയം നടത്തും. മുതിർന്ന മാദ്ധ്യമ പ്രവർത്തകനും ഗ്രന്ഥകാരനുമായ മുരളി പാറപ്പുറം മറുമൊഴി നൽകും.
Discussion about this post