എറണാകുളം: സമൃദ്ധ കുടുംബ വ്യവസ്ഥയ്ക്ക് വേണ്ട എട്ട് ഗുണങ്ങൾ ബലം , ശീലം മൂല്യം, ഓജസ്സ്, ധൈര്യം, യുക്തി, ബുദ്ധി, കാഴ്ചപ്പാട് എന്നിവയാണെന്ന് ആർഎസ്എസ് അഖില ഭാരതീയ കുടുംബപ്രബോധൻ സംയോജക് പ്രൊഫ. രവീന്ദ്ര ജോഷി. രാഷ്ട്രീയ സ്വയംസേവക സംഘം കോതമംഗലം ഖണ്ഡ് തൃക്കാരിയൂർ മഹാദേവ ക്ഷേത്രത്തിന് സമീപം പുതിയതായി പണികഴിപ്പിച്ച കാര്യാലയം ഉദ്ഘാടനം ചെയ്യ്ത് സംസാരിക്കുകയിരുന്നു അദ്ദേഹം.
കാലഘട്ടത്തിൻ്റെ വെല്ലുവിളികളെ അതിജീവിച്ച് കുടുംബ ബന്ധങ്ങളെ സംരക്ഷിക്കുന്നതിനായി മംഗള സംവാദങ്ങൾ ജീവിതത്തിൻ്റെ ഭാഗമാക്കണം. ഫാമിലി ടൈം കൂട്ടുന്നതിൻ്റെ ഭാഗമായി വീടുകളിൽ മൊബൈൽ ഫോൺ പാർക്കിങ് സോണുകൾ ഏർപ്പെടുത്തണം. പൗരബോധം, സാമാജിക ഐക്യം, പരിസ്ഥിതിഅവബോധം, സ്വദേശി ശീലം എന്നി ഗുണങ്ങൾ സമൂഹത്തിൽ വളത്തേണ്ടതിൻ്റെ അനിവാര്യത പൊതു പ്രവർത്തകർ ഏറ്റെടുക്കണമെന്ന് അദ്ദേഹം അഭിപ്രായപ്പെട്ടു.
ഖണ്ഡ് സംഘചാലക് ഇ.എൻ നാരായണൻ അദ്ധ്യക്ഷത വഹിച്ച ചടങ്ങിൽ ഖണ്ഡ്കാര്യവാഹ് സി.എം ദിനൂപ് സ്വാഗതവും ദേവദത്ത് കൃഷ്ണ കൃതജ്ഞതയും രേഖപ്പെടുത്തി. ദക്ഷിണ കേരള പ്രാന്തപ്രചാരക് എസ്. സുദർശനൻ, സഹപ്രാന്തപ്രചാരക് കെ. പ്രശാന്ത് എറണാകുളം വിഭാഗ് കാര്യവാഹ് എൻ.എസ് ബാബു, വിഭാഗ് പ്രചാരക് ജി.ജി. വിഷ്ണു, മൂവാറ്റുപുഴ സംഘ ജില്ല സംഘചാലക് ഇ. വി നാരായണൻ, ജില്ലാ കാര്യവാഹ് കെ.കെ ഷിജു എന്നിവർ സന്നിഹിതരായിരുന്നു.
Discussion about this post