ന്യൂദല്ഹി: മഹാത്മാഗാന്ധി തൊഴിലുറപ്പ് പദ്ധതിക്ക് പകരം കേന്ദ്ര സര്ക്കാര് കൊണ്ടു വന്ന തൊഴിലുറപ്പ് പദ്ധതി വിബിജി റാം ജി ബില്ലിന് രാഷ്ട്രപതിയുടെ അംഗീകാരം. ഇതോടെ ബില്ല് നിയമമായി .കഴിഞ്ഞ ആഴ്ചയാണ് ബില്ല് പാര്ലമെന്റ് പാസാക്കിയത്.
ബില് പാസാക്കാന് അനുവദിക്കില്ലെന്ന് പ്രതിപക്ഷം നിലപാടെടുത്തപ്പോള് പ്രതിപക്ഷ നിലപാടുകളെ നിശിതമായി വിമര്ശിച്ച് ശബ്ദ വോട്ടോടെയാണ് വി ബി ജി റാം ജി (വികസിത് ഭാരത് -ഗാരന്റി ഫോര് റോസ്ഗാര് ആന്ഡ് അജീവിക മിഷന് (ഗ്രാമീണ്) ബില് പാര്ലമെന്റ് പാസാക്കിയത്. മഹാത്മാഗാന്ധിയുടെ പേരിലുള്ള പഴയ ബില് ഒഴിവാക്കിയതില് പ്രതിഷേധിച്ച് പ്രതിപക്ഷ ഇറങ്ങിപ്പോക്കിനിടെയാണ് രാജ്യസഭ ബില്ലിന് അംഗീകാരം നല്കിയത്.
ലോക്സഭയില് പ്രതിപക്ഷം ബില് കീറിയെറിഞ്ഞിരുന്നു. വിബിജി റാം ജി ബില്ല് പാര്ലമെന്ററി സ്റ്റാന്റിംഗ് കമ്മിറ്റിക്കോ, സംയുക്ത പാര്ലമെന്ററി സമിതിക്കോ വിടണമെന്നായിരുന്നു കോണ്ഗ്രസിന്റെ ആവശ്യം.
Discussion about this post