ന്യൂദല്‍ഹി: കോവിഡ് ഇന്ത്യയ്ക്ക് ശക്തമായ വെല്ലുവിളിയാണ് ഉയര്‍ത്തുന്നതെന്ന് ആര്‍എസ്എസ് സര്‍ക്കാര്യവാഹ് (ജനറല്‍ സെക്രട്ടറി) ദത്താത്രേയ ഹോസബോളെ
സ്ഥിതി നിര്‍ണായകമാണെങ്കിലും സമൂഹത്തിന്റെ ശക്തിയും വളരെ വലുതാണ്. ഏറ്റവും ശ്രമകരമായ പ്രതിസന്ധി നേരിടാനുള്ള ഭാരതീയരുടെ കഴിവ് ലോകമെമ്പാടും അറിയപ്പെടുന്നതാണ് എന്നാല്‍ സമൂഹത്തിലെ വിനാശകരവും ഭാരത് വിരുദ്ധവുമായ ശക്തികള്‍ക്ക് ഈ പ്രതികൂല സാഹചര്യങ്ങള്‍ മുതലെടുത്ത് രാജ്യത്ത് നിഷേധാത്മകതയുടെയും അവിശ്വാസത്തിന്റെയും അന്തരീക്ഷം സൃഷ്ടിക്കാന്‍ കഴിയും. സാഹചര്യം പരിഹരിക്കാനുള്ള ക്രിയാത്മക ശ്രമങ്ങള്‍ക്ക് പുറമെ ഈ വിനാശകരമായ ശക്തികളുടെ ഗൂഡാലോചനകളെക്കുറിച്ചും ജാഗ്രത പാലിക്കണം ഹോസബോളെ പ്രസ്താവനയില്‍ പറഞ്ഞു.
സമൂഹത്തില്‍ സര്‍ഗാത്മകത, പ്രത്യാശ, വിശ്വാസം എന്നിവയുടെ അന്തരീക്ഷം നിലനിര്‍ത്തുന്നതിന് സംഭാവന നല്‍കണമെന്ന് മാധ്യമങ്ങള്‍ ഉള്‍പ്പെടെ സമൂഹത്തിലെ എല്ലാ വിഭാഗങ്ങളോടും ഹോസബോളെ അഭ്യര്‍ത്ഥിച്ചു. സോഷ്യല്‍ മീഡിയയില്‍ സജീവമായിരിക്കുന്നവര്‍ ക്രിയാത്മക പങ്ക് വഹിക്കണമെന്നും കൂടുതല്‍ സംയമനം പാലിക്കണമെന്നും അദ്ദേഹം പറഞ്ഞു.
പകര്‍ച്ചവ്യാധി പെട്ടെന്നു വഷളായതിനാല്‍ ആശുപത്രികളില്‍ കിടക്കകള്‍, ഓക്‌സിജന്‍, ആവശ്യമായ മരുന്നുകള്‍ എന്നിവയുടെ കുറവ് ജനങ്ങള്‍ നേരിടുന്നു. ഈ വെല്ലുവിളികളെ നേരിടാന്‍ കേന്ദ്ര-സംസ്ഥാന സര്‍ക്കാരുകളും പ്രാദേശിക നാഗരിക സംഘടനകളും വിപുലമായ ശ്രമങ്ങള്‍ നടത്തുന്നുണ്ട്, ”സര്‍ക്കാര്യവാഹ് പറഞ്ഞു.
” മെഡിക്കല്‍ മേഖലയിലെ എല്ലാവരും, സുരക്ഷാ ഉദ്യോഗസ്ഥര്‍, ശുചിത്വ പ്രവര്‍ത്തകര്‍ എന്നിവര്‍ മുമ്പത്തെപ്പോലെ ഉത്തരവാദിത്തങ്ങള്‍ നിറവേറ്റുകയാണ്. രാഷ്ട്രീയ സ്വയംസേവക സംഘത്തിലെ സ്വയംസേവകര്‍ എല്ലായ്‌പ്പോഴും എന്നപോലെ സമൂഹത്തിന്റെ ആവശ്യങ്ങള്‍ നിറവേറ്റുന്നതിനായി രാജ്യത്തുടനീളം വിവിധ തരം സേവനങ്ങള്‍ സജീവമായി നടത്തുന്നുണ്ട്, ”ഹോസബോളെ കൂട്ടിച്ചേര്‍ത്തു.
വെല്ലുവിളിയുടെ ഗൗരവം തിരിച്ചറിഞ്ഞ നിരവധി സാമൂഹിക, മത സ്ഥാപനങ്ങള്‍ ഉള്‍പ്പെടെയുള്ള പൊതു സമൂഹം സഹായത്തിനായി എല്ലാത്തരം ശ്രമങ്ങളിലും സ്വമേധയാ പങ്കാളികളായിട്ടുണ്ട്.സ്ഥിതി ഗുരുതരമാണെങ്കിലും സ്ഥിതി മറികടക്കാന്‍ സമാധാനം പാലിക്കേണ്ടതുണ്ടെന്നും സര്‍ക്കാര്യവാഹ് പറഞ്ഞു.
മാസ്‌കുകള്‍ ധരിക്കുക, ശുചിത്വം, ശാരീരിക അകലം, സ്വകാര്യ, പൊതു പരിപാടികളിലെ സംഖ്യകളുടെ പരിധി, കര്‍ഫ്യൂ പോലുള്ള നിയന്ത്രണങ്ങള്‍, നീരാവി ശ്വസനം, പ്രതിരോധ കുത്തിവയ്പ്പ് തുടങ്ങിയ ആരോഗ്യ പരിഹാരങ്ങളെക്കുറിച്ച് അവബോധം സൃഷ്ടിക്കേണ്ടത് പ്രധാനമാണെന്ന് ഹോസബോളെ പറഞ്ഞു.
Discussion about this post