ഇംഫാൽ: സ്വാർത്ഥ ലേശമില്ലാത്ത രാഷ്ട്ര പ്രേമത്തിന്‍റെ ജ്വലിക്കുന്ന ഓർമ്മകളാണ് നേതാജിയെ അമരനാക്കുന്നതെന്ന് ആർ എസ് എസ് സർ സംഘചാലക് ഡോ. മോഹൻ ഭാഗവത് . കോൺഗ്രസിൽ തെരഞ്ഞെടുക്കപ്പെട്ട അധ്യക്ഷനായിരുന്നു അദ്ദേഹം. എന്തോ കാരണം കൊണ്ട് ഗാന്ധിജിയടക്കമുള്ളവർക്ക് അതിൽ താല്പര്യമുണ്ടായില്ല. നേതാജി പിന്മാറി. ചെറിയ സ്വാർത്ഥങ്ങൾക്ക് വേണ്ടിയല്ല മഹത്തായ രാഷ്ട്രത്തിന് വേണ്ടിയാണ് പോരാടേണ്ടതെന്ന് അദ്ദേഹത്തിന് ഉറച്ച ധാരണ ഉണ്ടായിരുന്നു , സർ സംഘചാലക് പറഞ്ഞു. മണിപ്പൂരിൽ നടന്ന നേതാജി സ്മൃതിദിന പരിപാടിയിൽ സംസാരിക്കുകയായിരുന്നു അദ്ദേഹം.
ഒറീസയിൽ ജനിക്കുകയും ബംഗാളിൽ പഠിക്കുകയും മുഴുവൻ ഭാരതത്തിന് വേണ്ടി പൊരുതുകയും ചെയ്തു നേതാജി . വിദേശത്ത് പോയി , ബ്രിട്ടീഷുകാർക്കെതിരെ പൊരുതാനുള്ള സിദ്ധിയും ശേഷിയും സംഭരിച്ചു. സേനയും സർക്കാരും രൂപീകരിച്ചു. ജീവിതം രാഷ്ട്രത്തിനായി സമർപ്പിച്ചു. സദാ ജന മനസ്സിൽ ജ്വലിച്ചു നിൽക്കേണ്ടതാണ് ആ ജീവിതം. ആത്മീയ ഏകതയിൽ രാഷ്ട്ര സ്വരൂപത്തെ കർമ്മം കൊണ്ട് സാക്ഷാത്കരിക്കുകയായിരുന്നു നേതാജി സുഭാഷ് ചന്ദ്രബോസെന്ന് സർസംഘചാലക് പറഞ്ഞു.
Discussion about this post