കൊച്ചി: ബോംബ് സ്ഫോടന കേസില്‍ കോയമ്പത്തൂര്‍ ജയിലില്‍ തടവിലായിരുന്ന പിഡിപി ചെയര്‍മാന്‍ അബ്ദുള്‍ നാസര്‍ മദനിയെ മോചിപ്പിക്കണമെന്നാവശ്യപ്പെട്ട് തമിഴ്നാട് സര്‍ക്കാരിന്റെ ബസ് തട്ടികൊണ്ടുപോയി കളമശേരിയില്‍ വച്ച് കത്തിച്ച കേസില്‍ മൂന്ന് പ്രതികള്‍ കുറ്റക്കാരാണെന്ന് എന്‍ഐഎ കോടതി .കശ്മീര്‍ റിക്രൂട്മെന്റെ് കേസില്‍ ജയിലില്‍ കഴിയുന്ന തടിയന്റെവിട നസീര്‍, പെരുമ്പാവൂര്‍ സ്വദേശി സാബിര്‍ ബുഹാരി, പറവൂര്‍ സ്വദേശി താജുദ്ദീന്‍ എന്നിവരെയാണ് കുറ്റക്കാരായി കൊച്ചിയിലെ പ്രത്യേക എന്‍ഐഎ കോടതി കണ്ടെത്തിയത്. ഇവരുടെ ശിക്ഷ തിങ്കളാ്ഴ്ച്ച വിധിക്കും. 2005 സപ്തംബറിലാണ് അബ്ദുള്‍ മദനിയെ തടങ്കലില്‍ പാര്‍പ്പിച്ചതിന് പ്രതികാരമായായി ബസ് കത്തിച്ചത്.
ഭീകരാക്രമണം നടത്താന്‍ പ്രതികള്‍ ഗൂഢാലോചന നടത്തിയതായി അന്വേഷണത്തില്‍ കണ്ടെത്തി. ആലുവയിലെ മസ്ജിദിലാണ് പ്രതികള്‍ ഒത്തുകൂടിയത്. 2010ലാണ് കേസില്‍ 13 പ്രതികള്‍ക്കെതിരെ എന്‍ഐഎ കുറ്റപത്രം സമര്‍പ്പിച്ചത്.
Discussion about this post