കൊല്ക്കത്ത: നവരാത്രി, നബിദിന ആഘോഷങ്ങള്ക്കിടെ ഹിന്ദുവിരുദ്ധ കലാപം അരങ്ങേറിയ മോമിന്പൂരില് ഭരണകൂട ഭീകരത തുടരുന്നു. വീടുകള് കൊള്ളയടിച്ചും കൊള്ളിവച്ചും ഭീകരാന്തരീക്ഷം സൃഷ്ടിച്ച മേഖലകള് സന്ദര്ശിക്കാനുള്ള ബിജെപി നേതൃസംഘത്തിന്റെ ശ്രമം വീണ്ടും പോലീസ് തടഞ്ഞു.
അക്രമങ്ങളുടെ വിവരങ്ങള് ആദ്യം പുറത്തുവിട്ട മാധ്യമ പ്രവര്ത്തകന് മനാബ് ഗുഹയെ അറസ്റ്റ് ചെയ്തു. അക്രമങ്ങളുടെ ദൃശ്യങ്ങളും ചിത്രങ്ങളും സോഷ്യല് മീഡിയയില് പോസ്റ്റ് ചെയ്തതിന്റെ പേരിലാണ് മനാബിന്റെ അറസ്റ്റ്. സംഭവം വിവാദമായതോടെ കലാപദൃശ്യങ്ങള് പ്രചരിപ്പിക്കുന്നത് സാമൂഹത്തില് അസ്വസ്ഥതകള് സൃഷ്ടിക്കുമെന്ന വിചിത്രവാദവുമായി പോലീസ് രംഗത്തെത്തി.
മമതാ ബാനര്ജിയുടെ നിര്ദേശ പ്രകാരമാണ് പശ്ചിമ ബംഗാള് പോലീസ് അതിക്രമങ്ങള് നടത്തുന്നതെന്ന് ബിജെപി സംസ്ഥാന അധ്യക്ഷന് സുകാന്ത മജുംദാര് ആരോപിച്ചു. പോലീസ് സ്റ്റേഷന് കയ്യടക്കിയ തീവ്രവാദികള്ക്കെതിരെ നടപടിയെടുക്കാതെ നിരപരാധികളെ ലക്ഷ്യമിടുകയാണ് പോലീസെന്ന് അദ്ദേഹം പറഞ്ഞു.
പശ്ചിമ ബംഗാളിനെ പശ്ചിമ ബംഗ്ലാദേശാക്കി മാറ്റാന് സംസ്ഥാന ഭരണകൂടത്തിന്റെ സഹായത്തോടെ വലിയ ഗൂഢാലോചന നടക്കുന്നുണ്ടെന്ന് ബിജെപി അധ്യക്ഷന് പറഞ്ഞു. മോമിന്പൂര്, ഇഖ്ബാല്പൂര് എന്നിവിടങ്ങളില് തൃണമൂല് കോണ്ഗ്രസിന്റെ ഒത്താശയോടെ തീവ്രവാദ കേന്ദ്രങ്ങളാക്കുകയാണ് പോലീസെന്നും മജുംദാര് പറഞ്ഞു.
Discussion about this post