റായ്പൂര്‍: ഛത്തീസ്ഗഡില്‍ കമ്യൂണിസ്റ്റ് ഭീകരനെ വധിച്ച് സുരക്ഷാ സേന. സുരക്ഷാ സേനയും ഭീകരരും തമ്മിലുണ്ടായ ഏറ്റുമുട്ടലിലാണ് ഭീകരനെ വധിച്ചത്. ബീജാപൂരിലെ ബന്ദേപാരയിലാണ് സംഭവം. സംഭവസ്ഥലത്ത് നിന്ന് ഒരു എകെ-47 തോക്ക് കണ്ടെടുത്തു.
ഇന്ന് പുര്‍ച്ചെ ബന്ദേപാറ വനത്തിനുള്ളിലായിരുന്നു മണിക്കൂറുകള്‍ നീണ്ട് ഏറ്റുമുട്ടല്‍ നടന്നത്. കൊല്ലപ്പെട്ട ഭീകരന്‍ ആരാണെന്ന് കണ്ടെത്താന്‍ ഇതുവരെ കഴിഞ്ഞിട്ടില്ലെന്ന് മദ്ദേഡ് പേലീസ് അറിയിച്ചു. കൊരഞ്ചോട് ബന്ദേപാറ വന മേഖലയില്‍ കമ്യൂണിസ്റ്റ് ഭീകരന്‍മാരുടെ സാന്നിധ്യമുണ്ടെന്ന് വിവരം ലഭിച്ചിട്ടുണ്ടെന്നും സംഭവവുമായി ബന്ധപ്പെട്ട് പ്രദേശത്ത് കൂടുതല്‍ തിരച്ചില്‍ നടക്കുന്നുണ്ടെന്നും പോലീസ് അറിയിച്ചു.
Discussion about this post