തിരുവല്ല: സംസ്ഥാന ജീവനക്കാരുടെ നിലവിലുണ്ടായിരുന്ന മുഴുവന്‍ ആനുകൂല്യങ്ങളും കവര്‍ന്നെടുത്ത ഇടതുമുന്നണി സര്ക്കാരിന്റെ ദ്രോഹനടപടികള്‍ക്കെതിരെ ശബ്ദമുയര്‍ത്തുന്നവരെ ഭരണ സ്വാധീനം ഉപയോഗിച്ച് പ്രതികാര നടപടികളിലൂടെ വേട്ടയാടുകയാണ്. സ്ഥലമാറ്റ ഭീഷണിയിലൂടെ അഭിപ്രായ സ്വാതന്ത്യവും അനുവദിക്കാതെ ജീവനക്കാരെ ചെറുത്ത് തോല്‍പ്പിക്കണമെന്ന് എന്‍ജിഒ സംഘടന സംസ്ഥാന വൈസ് പ്രസിഡന്റ് അനിതാ രവീന്ദ്രന്‍ ആവശ്യപ്പെട്ടു.തിരുവല്ല ശാന്തിനിലയം ഓഡിറ്റോറിയത്തില്‍ വച്ചു നടക്കുന്ന ജില്ലാ സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അവര്‍. ജില്ലാ പ്രസിഡന്റ് എസ്.ഗിരീഷ് അധ്യക്ഷനായി. ജില്ലാ സെക്രട്ടറി ജി.അനീഷ് വാര്‍ഷിക റിര്‍പ്പോര്‍ട്ടും ട്രഷറര്‍ എം.രാജേഷ് വരവ് ചിലവ് കണക്കും അവതരിപ്പിച്ചു. ജില്ലാ ജോയിന്റ് സെക്രട്ടറി ആര്‍.കൃഷ്ണവര്‍മ്മ,ജില്ലാ കൗണ്‍സില്‍ അംഗം എസ്.പ്രദീപ് എന്നിവര്‍ സംസാരിച്ചു. ഇന്ന് രാവിലെ പത്തിന് നടക്കുന്ന പ്രതിനിധി സമ്മേളനം സംസ്ഥാന ജോയിന്റ് സെക്രട്ടറി എ.ഇ.സന്തോഷ് ഉദ്ഘാടനം ചെയ്യും. തുടര്‍ന്ന് നടക്കുന്ന സാംസ്‌കാരിക സമ്മേളനത്തില്‍ ഡോ.എം.എം.ബഷീര്‍ പ്രഭാഷണം നടത്തും.
Discussion about this post