പി ചന്ദ്രശേഖർജി അന്തരിച്ചു

തപസ്യ കലാ-സാഹിത്യ വേദി മുൻ അദ്ധ്യക്ഷനും കോഴിക്കോട് അക്ഷരശ്ളോകസമിതിയിലെ മുതിർന്ന അംഗവും ആകാശവാണിയിലെ റിട്ട.ന്യൂസ് എഡിറ്ററുമായ പി.ചന്ദ്രശേഖരൻ അന്തരിച്ചു.ആകാശവാണിയിൽ ചേരുന്നതിന് മുമ്പ് 1950-കളിൽ കുറച്ചുകാലം മാതൃഭൂമിയിൽ പത്രപ്രവർത്തകനായിരുന്നു.അക്കാലത്ത് പത്രപ്രവർത്തകരുടെ സ०ഘടനയ്ക്ക് രൂപം കൊടുക്കുന്നതിന് നേതൃത്വപരമായ പങ്ക് വഹിച്ചിട്ടുണ്ട്.പ്രശസ്തവേദപണ്ഡിതനും സാമൂഹികപരിഷ്കർത്താവുമായ വി.കെ.നാരായണഭട്ടതിരിപ്പാടിൻെറ മകനാണ്.ഭട്ടതിരിപ്പാടിൻെറ ലേഖനങ്ങൾ സമാഹരിച്ച് പ്രസിദ്ധപ്പെടുത്തുന്ന ട്രസ്റ്റിൻെറ ഭാരവാഹിയാണ്.ശ്രീമദ്ഭാഗവതവും ദേവിഭാഗവതവും മലയാളത്തിൽ വിവർത്തനം ചെയ്തിട്ടുണ്ട്.പന്നിയങ്കര ദുർഗാദേവിക്ഷേത്രത്തിനടുത്താണ് വീട്.സംസ്കാരം വ്യാഴാഴ്ച വൈകീട്ട്.