തിരുവനന്തപുരം: ഡോ. ബി.എസ്സ് ഹരിശങ്കർ സ്മാരക പ്രഭാഷണം ഇന്ന് വൈകുന്നേരം 6:00 മണിയ്ക്ക് കൊല്ലം, എസ്.എൻ കോളേജ് ചരിത്ര വിഭാഗം അസിസ്റ്റൻ്റ് പ്രൊഫസർ ഡോ. നിജു. പി തിരുവനന്തപുരം സംസ്കൃതി ഭവനിൽ നിർവഹിക്കും. ഭാരതീയവിചാരകേന്ദ്രത്തിൻ്റെ ആഭിമുഖ്യത്തിൽ സംഘടിപ്പിക്കുന്ന പരിപാടിയിൽ “ദക്ഷിണേന്ത്യയുടെ ചരിത്രം : അധിനിവേശ കാഴ്ചപ്പാടുകളും പുനർവായനയുടെ ആവശ്യകതയും.” എന്ന വിഷയത്തിലാണ് പ്രഭാഷണം. ഭാരതീയവിചാരകേന്ദ്രം ഡയറക്ടർ ശ്രീ. ആർ.സഞ്ജയൻ അദ്ധ്യക്ഷത വഹിക്കും. ഭാരതീയവിചാരകേന്ദ്രം സംസ്ഥാന ഉപാദ്ധ്യക്ഷനായിരിക്കെ 2022 ആഗസ്റ്റ് 27 നാണ് ഡോ.ബി.എസ്സ് ഹരിശങ്കർ അന്തരിച്ചത്. ഒരു സൂക്ഷ്മ ഗവേഷകനും ബുദ്ധിജീവിയുമായ അദ്ദേഹത്തിൻ്റെ കോളങ്ങളും പുസ്തകങ്ങളും അവയുടെ അക്കാദമിക നിലവാരം, ആഴമേറിയ ഗവേഷണം, ഹിന്ദുത്വ പ്രത്യയശാസ്ത്രം എന്നിവയാൽ വളരെയധികം പ്രശംസിക്കപ്പെട്ടു. ഡെക്കാൻ സ്കൂൾ ഓഫ് ഇൻഡോളജിയിൽ നിന്നാണ് ഹരിശങ്കറിന് ഡോക്ടറേറ്റ് ലഭിച്ചത്. മോഹൻജൊ-ദാരോയിലെ ഖനനങ്ങളിൽ അദ്ദേഹം പങ്കെടുത്തിട്ടുണ്ട്. ഇന്ത്യൻ ഇൻസ്റ്റിറ്റ്യൂട്ട് ഓഫ് അഡ്വാൻസ്ഡ് സ്റ്റഡീസിൽ അംഗവും മുൻ ഫിലിം സെൻസർ ബോർഡ് അംഗവുമായിരുന്നു. അന്തരിച്ച ശ്രീ.പി.പരമേശ്വരന്റെയും, ചരിത്രകാരൻ എസ് പി ഗുപ്തയുടെയും ശിഷ്യനായ ഹരിശങ്കർ, ഇസ്ലാമിസ്റ്റുകളുടെയും ഇടതുപക്ഷത്തിന്റെയും സ്ഥാപിത ആഖ്യാനത്തെ വെല്ലുവിളിക്കാൻ സഹായിച്ച നിരവധി പ്രധാന പുസ്തകങ്ങൾ രചിച്ചിട്ടുണ്ട്. മാർക്സിസ്റ്റ് നിയന്ത്രണത്തിലുള്ള കേരള കൗൺസിൽ ഓഫ് ഹിസ്റ്റോറിക്കൽ റിസർച്ച് ആദ്യം നടത്തിയ പട്ടണം ഖനനത്തിന് പിന്നിലെ സുവിശേഷ ഹിന്ദു വിരുദ്ധ അജണ്ട തുറന്നുകാട്ടുന്നതിൽ ഹരിശങ്കർ നിർണായക പങ്കുവഹിച്ചു. എഴുത്തുകാരൻ, ചിന്തകൻ, ചരിത്രകാരൻ എന്നീ നിലകളിൽ നിരവധി സംഭാവനകൾ നൽകിയ അദ്ദേഹത്തിൻ്റെ സ്മരണാർത്ഥമാണ് ഭാരതീയവിചാരകേന്ദ്രം ഡോ. ബി.എസ്സ് ഹരിശങ്കർ സ്മാരക പ്രഭാഷണം സംഘടിപ്പിക്കുന്നത്
