കാലിഫോര്‍ണിയ: സ്റ്റോക്ക്ടണിലെയും സാക്രമെന്റോയിലെയും ഗുരുദ്വാരകളില്‍ വെടിവയ്പ്പ് നടത്തിയ കേസില്‍ കാലിഫോര്‍ണിയ പോലീസ് 17 പേരെ അറസ്റ്റ് ചെയ്തു. ഇരുപത് കേന്ദ്രങ്ങളില്‍ നടത്തിയ റെയ്ഡുകളില്‍ എകെ 47, കൈത്തോക്കുകള്‍, മെഷീന്‍ഗണ്‍ തുടങ്ങിയവ പിടിച്ചെടുത്തതായി സ്റ്റേറ്റ് അറ്റോര്‍ണി ജനറല്‍ ജെന്നിഫര്‍ ഡ്യൂപ്പര്‍ അറിയിച്ചു.
വടക്കന്‍ കാലിഫോര്‍ണിയയിലെ 20 സ്ഥലങ്ങളിലാണ് പരിശോധന നടന്നത്. അറസ്റ്റിലായവരില്‍ രണ്ട് പേര്‍ ഇന്ത്യയില്‍ ‘നിരവധി കൊലപാതകക്കേസുകളില്‍ പോലീസ് തെരയുന്ന മാഫിയ അംഗങ്ങളാണ്.
സട്ടര്‍, സാക്രമെന്റോ, സാന്‍ ജോക്വിന്‍, സോളാനോ, യോലോ, മെഴ്സ്ഡ് കൗണ്ടികളില്‍ നടന്ന അഞ്ച് കൊലപാതകശ്രമങ്ങള്‍ ഉള്‍പ്പെടെ നിരവധി കുറ്റകൃത്യങ്ങളിലെ പ്രതികളാണ് പിടിയിലായവര്‍. 2022 ആഗസ്ത് 27 നാണ് സ്റ്റോക്ക്ടണ്‍ ഗുരുദ്വാരയില്‍ കൂട്ട വെടിവയ്പ് നടന്നത്. 2023 മാര്‍ച്ച് 23 ന് സാക്രമെന്റോ ഗുരുദ്വാരയിലും വെടിവയ്പ് നടന്നു.
Discussion about this post