കാലടി: ആദിശങ്കര ജന്മദേശവികസന സമിതിയുടെ ആഭിമുഖ്യത്തില് ശ്രീശങ്കരജയന്തി ആഘോഷങ്ങ ളുടെ ഭാഗമായി ഗ്രാമപരിക്രമ നടത്തി. ശ്രീശങ്കരാ ചാര്യരുടെ ഐതിഹ്യങ്ങളുറങ്ങുന്ന പുണ്യകേന്ദ്രങ്ങളെ ബന്ധിപ്പിച്ചുകൊണ്ടുള്ള പരിക്രമ തിരുനായത്തോട് ശിവനാരായണക്ഷേത്രത്തില് കാലടി ശ്രീരാമ കൃഷ്ണ അദ്വൈതാശ്രമത്തിലെ സ്വാമി ബ്രഹ്മപരാനന്ദ ഉദ്ഘാടനം ചെയ്തു. പ്രൊഫ. കെ. എസ്. ആര്. പണി ക്കര് ആമുഖ പ്രഭാഷണം നടത്തി.
തുറങ്കര ശ്രീകൃഷ്ണസ്വാമിക്ഷേത്രം, തിരുവെള്ളമാന് തുള്ളി, നീലംകുളങ്ങര, തൃക്കയില്, വാമനപുരം , കീര്ത്തിസ്തംഭമണ്ഡപം, പുത്തന്കാവ്, മാണിക്കമംഗലം, കാലടി ശ്രീകൃഷ്ണസ്വാമി ക്ഷേത്രം എന്നിവ ദര്ശിച്ച് ആദിശങ്കര ജന്മഭൂമിക്ഷേത്രത്തില് സമാപിച്ചു.
ആര്എസ്എസ് ജില്ല സംഘചാലക് സുന്ദരം ഗോവിന്ദ്, വികസന സമിതി പ്രസിഡന്റ് പി. മോഹന്ദാസ്, സാമൂഹിക സമരസതസംസ്ഥാന പ്രമുഖ് വി.കെ. വിശ്വനാഥന്, ഹിന്ദു ഐക്യവേദി സംസ്ഥാന വൈസ് പ്രസിഡന്റ് വി.കെ. ശിവന്, ആഘോഷ സമിതി ജനറല് കണ്വീനര് കെ.വി. സഞ്ജീവ്, പി. സന്തോഷ് കുമാര്, പി.ആര്. അജിത്കുമാര് എന്നിവര് നേതൃത്വം നല്കി.
Discussion about this post