മുംബൈ: വസായിൽ 2023 ജനുവരി 7 ന് വസായ് സനാതന ധർമ്മസഭയുടെ നേതൃത്വത്തിൽ രണ്ടാമത് ഹിന്ദു മഹാസമ്മേളനം സംഘടിപ്പിക്കുന്നു. വസായ് ശബരിഗിരി ശ്രീ അയ്യപ്പ ക്ഷേത്രത്തിലെ പ്രാർത്ഥനാ മണ്ഡപത്തിൽ ആണ് ഹിന്ദു മഹാസമ്മേളനം നടക്കുന്നത്. 7 ന് രാവിലെ ആർഷ വിദ്യാ സമാജം ഡയറക്ടർ ആചാര്യ കെ ആർ മനോജ് സമ്മേളനം ഉദ്ഘാടനം ചെയ്യും .സാധ്വി ഡോ.പ്രാച്ചി ഹരിദ്വാർ (വിശ്വഹിന്ദു പരിഷത്ത്) ഉദ്ഘാടന സമ്മേളനത്തിൽ മുഖ്യാതിഥിയാകും.
ലൗ ജിഹാദും ഹിന്ദുസമൂഹവും എന്ന വിഷയത്തിൽ ആചാര്യ കെ ആർ മനോജ് പ്രഭാഷണം നടത്തും. ലൗ ജിഹാദിൽ നിന്നും മോചിതരായ ആർഷ വിദ്യാ സമാജത്തിലെ വനിത അംഗങ്ങൾ തങ്ങളുടെ അനുഭവങ്ങൾ പങ്കുവെക്കും . തുടർന്ന് ഹിന്ദുസമൂഹം നേരിടുന്ന വെല്ലുവിളികളും പ്രതിവിധികളും , സനാതന ധർമ്മ ആചാര അനുഷ്ഠാനങ്ങൾ , എന്നീ വിഷയങ്ങളെ ആധാരമാക്കി യുവജനങ്ങളെയും വനിതകളെയും പങ്കെടുപ്പിച്ചു കൊണ്ടുള്ള ചർച്ച നടക്കും. സനാതനധർമ്മ പണ്ഡിതർ ചർച്ച നയിക്കും.
വൈകുന്നേരം അഞ്ച് മണിക്ക് വസായ് റോഡ് വെസ്റ്റിലെ സ്റ്റൈല്ല ജംഗ്ഷനിൽ സന്യാസി ശ്രേഷ്ഠൻ മാരെ താലപ്പൊലിയുടെയും വാദ്യമേളങ്ങളുടെയും അകമ്പടിയോടെ ആചാരപൂർവ്വം പൂർണ്ണകുംഭം നൽകി വരവേൽക്കും. വരവേൽപ്പ് പ്രാർത്ഥനാ മണ്ഡപത്തിൽ എത്തിയശേഷം സമാപന സമ്മേളനം നടക്കും .
സമാപന സമ്മേളനം കൊളത്തൂർ അദ്വൈതാശ്രമം മഠാധിപതി സ്വാമി ചിദാനന്ദപുരി ഉദ്ഘാടനം ചെയ്യും. തുടർന്ന് യതിപൂജ നടക്കും. സമാപന സമ്മേളനത്തിൽ ബദലാപൂർ ശ്രീരാമദാസ ആശ്രമം മഠാധിപതി സ്വാമി കൃഷ്ണാനന്ദ സരസ്വതി , ഗണേശ്‌പുരി ബ്രഹ്മപുരി നിത്യാനന്ദ ആശ്രമം മഠാധിപതി സ്വാമി വിശ്വേശ്വരാനന്ദ സരസ്വതി , വസായ് ലക്ഷ്മി ദാം ആശ്രമം മഠാധിപതി മഹാമണ്ഡലേശ്വർ സദാനന്ദ് ബെൻ മഹാരാജ് , മഹാമണ്ഡലേശ്വർ സംഗംഗിരി മഹാരാജ് പ്രയാഗ് രാജ് , സ്വാമിനി സംഗമേശാനന്ദ സരസ്വതി , മഹാമണ്ഡലേശ്വർ സർവ്വേശ്വരാനന്ദ സരസ്വതി ഹരിദ്വാർ തുടങ്ങിയവർ പങ്കെടുക്കുമെന്ന് വസായ് സനാതന ധർമ്മസഭ കൺവീനർ കെ ബി ഉത്തംകുമാർ അറിയിച്ചു.
Discussion about this post