ന്യൂഡൽഹി: കേന്ദ്ര സായുധ സേന കോൺസ്റ്റബിൾ പരീക്ഷകൾ ഇനി മുതൽ മലയാളത്തിലും എഴുതാം. മലയാളം ഉൾപ്പെടെ 13 ഭാഷകളിൽ എഴുതാമെന്ന് ആഭ്യന്തര മന്ത്രാലയം വ്യക്തമാക്കി.നിലവിൽ ഇംഗ്ലീഷിലും ഹിന്ദിയിലും മാത്രമാണ് പരീക്ഷ എഴുതാൻ സാധിച്ചിരുന്നത്.
അസമീസ്, ബംഗാളി, ഗുജറാത്തി, മറാത്തി, മലയാളം, കന്നഡ, തമിഴ്, തെലുങ്ക്, ഒഡിയ, ഉറുദു, പഞ്ചാബി, മണിപ്പൂരി, കൊങ്കണി എന്നിങ്ങനെ 15 ഭാഷകളിൽ പരീക്ഷ എഴുതാവുന്നതാണ്. ഫെബ്രുവരി 20 മുതൽ മാർച്ച് ഏഴ് വരെയാണ് ഈ വർഷത്തെ കോൺസ്റ്റബിൾ റിക്രൂട്ട്മെന്റ് പരീക്ഷകൾ നടക്കുന്നത്. 128 നഗരങ്ങളിലായി പരിക്ഷയെഴുത്ത 48 ലക്ഷം ഉദ്യോഗാർത്ഥികൾക്ക് ഇത് സഹായകരമാകുമെന്ന് ആഭ്യന്തര മന്ത്രാലയം വ്യക്തമാക്കി.
സിആർപിഎഫ്, ബിഎസ്എഫ്,സിഐഎസ്എഫ്, ഐടിബിപി, അസം, റൈഫിൾസ്, എസ്എസ്ബി എ്ന്നിവയാണ് കേന്ദ്ര സായുധ സേനയുടെ ഉപവിഭാഗങ്ങൾ. സ്റ്റാഫ് സെലക്ഷൻ കമ്മീഷനാണ് സിഎപിഎഫിലേക്കുള്ള പരീക്ഷകൾ നടത്തുന്നത്. 13 പ്രാദേശിക ഭാഷകളിൽ ഉൾപ്പെടെ 15 ഭാഷകളിൽ പരീക്ഷ നടത്തുന്നതിനുള്ള അനുമതി ഈ വർഷം കമ്മീഷൻ ആഭ്യന്തരമന്ത്രാലയത്തിൽ നിന്നും വാങ്ങിയിരുന്നു.
Discussion about this post