സ്വപ്നം യാഥാർത്ഥ്യമായി, രാം ലല്ലയ്‌ക്ക് നന്ദി പറഞ്ഞ് ആകാശ് ദീപ്

അയോദ്ധ്യ: ബം​ഗ്ലാദേശിനെതിരെയുള്ള ടെസ്റ്റ് പരമ്പരയ്‌ക്ക് പിന്നാലെ അയോദ്ധ്യ രാമക്ഷേത്രത്തിലെത്തി പേസർ ആകാശ് ദീപ്. ഏറെക്കാലത്തെ സ്വപ്നം നിറവേറ്റിയതിന് നന്ദി പറയാനാണ് താരം എത്തിയത്. പരമ്പരയിലെ രണ്ടു മത്സരങ്ങളും ഭാരതം ജയിച്ചിരുന്നു. ആകാശ് ദീപ് ഈ വർഷം ഇം​ഗ്ലണ്ടിനെതിരെയാണ് ടെസ്റ്റിൽ അരങ്ങേറിയത്. ബം​ഗ്ലാദേശിനെതിരെയും കളിച്ച താരം രണ്ടുമത്സരങ്ങളിൽ നിന്ന് 5 വിക്കറ്റും സ്വന്തമാക്കിയിരുന്നു.

“രാം ലല്ലയെ കണ്ടുവണങ്ങളമെന്നത് ഏറെ നാളത്തെ ആ​ഗ്രഹമായിരുന്നു.ഈ ക്ഷേത്രം പണിതതിന് പിന്നാലെ ഭ​ഗവാന്റെ നിരവധി വീഡിയോകൾ കണ്ടിരുന്നു. ഞങ്ങളുടെ മികച്ച പ്രകടനം തുടരാൻ വേണ്ടി ഞാൻ പ്രാർത്ഥിച്ചിരുന്നു. രാം ലല്ലയെ കണ്ടതിന്റെ അനുഭൂതി വാക്കുകളിൽ പറഞ്ഞറിയിക്കാനുമാകില്ല”—ആകാശ് ദീപ് പറഞ്ഞു. ഭാരതത്തിന്റെ വേണ്ടി ഇതുവരെ മൂന്ന് മത്സരങ്ങളാണ് താരം കളിച്ചത്.