തിരുവനന്തപുരം: മുട്ടത്തറയിലെ മാലിന്യ നിക്ഷേപ കേന്ദ്രത്തില് കണ്ടെത്തിയ കാലുകള് തമിഴ്നാട്ടിലെ കന്യാകുമാരിയില് നിന്നുള്ള ഗുണ്ടാനേതാവിന്റേത്. സംഭവത്തില് വലിയതുറ സ്വദേശികളായ മനു രമേഷ്, ഷെഹിന് ഷാ എന്നിവരെ പൊലീസ് കസ്റ്റഡിയിലെടുത്തു. ഗുണ്ടാനേതാവിനെ വെട്ടിക്കൊന്ന് കഷ്ണങ്ങളാക്കിയത് ഇവര് ഉള്പ്പെടുന്ന സംഘമാണെന്നാണ് കണ്ടെത്തല്. ഓഗസ്റ്റ് 14നാണ് രണ്ട് കാലുകള് തിരുവനന്തപുരം മുട്ടത്തറയില് മാലിന്യ നിക്ഷേപ കേന്ദ്രത്തില് കണ്ടെത്തിയത്. തുടര്ന്ന് പൊലീസ് നടത്തിയ അന്വേഷണത്തിലാണ് ഗുണ്ടാസംഘങ്ങളുടെ പകയെത്തുടര്ന്നുള്ള കൊലപാതകമാണിതെന്ന് കണ്ടെത്തിയത്.
തിരുവനന്തപുരം-തമിഴ്നാട് അതിര്ത്തി കേന്ദ്രീകരിച്ച് റിപ്പോര്ട്ട് ചെയ്ത മിസ്സിങ് കേസുകള് പരിശോധിച്ചാണ് കൊല്ലപ്പെട്ടത് തമിഴ്നാട്ടിലെ ഗുണ്ടാ നേതാവാണെന്ന് കണ്ടെത്തിയത്. ഓഗസ്റ്റ് 12 മുതല് കന്യാകുമാരിയിൽ ഈ ഗുണ്ടാ നേതാവ് മിസ്സിങ് ആണെന്ന് കണ്ടെത്തി. ഇതോടെ ഇയാളുമായി ബന്ധമുള്ള തിരുവനന്തപുരം സ്വദേശികളെ കുറിച്ച് അന്വേഷിച്ചു. ഇതോടെയാണ് വലിയതുറ സ്വദേശിയായ മനു രമേഷിലേക്ക് അന്വേഷണം എത്തിയത്. മനു കന്യാകുമാരിയിലും നിരവധി കേസുകളില് ഉള്പ്പെട്ടിട്ടുണ്ട്.
Discussion about this post