കോഴിക്കോട്: എബിവിപി സംസ്ഥാന പഠനശിബിരം കോഴിക്കോട് ചിന്മയാഞ്ജലി ഓഡിറ്റോറിയത്തിൽ ദേശീയ സഹ സംഘടനാ സെക്രട്ടറി എസ് ബാലകൃഷ്ണ ഉദ്ഘാടനം ചെയ്തു. ഭാരതത്തിന്റെ അമൃതകാലത്ത് രാഷ്ട്രപുരോഗതിക്കായ് വിദ്യാർത്ഥികളും യുവാക്കളും മുന്നിട്ടിറങ്ങണമെന്ന് അദ്ദേഹം പറഞ്ഞു.
ക്ഷേത്രീയ സംഘടനാ സെക്രട്ടറി ആർ കുമരേഷ്, സംസ്ഥാന പ്രസിഡന്റ് ഡോ അരുൺ കടപ്പാൽ, സംസ്ഥാന സെക്രട്ടറി എൻസിടി ശ്രീഹരി തുടങ്ങിയവർ സംസാരിച്ചു. ജൂൺ 9,10,11 തിയതികളിലായി നടക്കുന്ന ശിബിരത്തിൽ വിവിധ സാമൂഹിക വിദ്യാഭ്യാസ വിഷയങ്ങളിൽ ചർച്ച നടക്കും. വിവിധ ജില്ലകളിൽ നിന്നായി 182 പ്രതിനിധികളാണ് ശിബിരത്തിൽ പങ്കെടുക്കുന്നത്.
എബിവിപി അടിസ്ഥാന ആശയം എന്ന വിഷയത്തിൽ മുൻ സംസ്ഥാന പ്രസിഡന്റ് CK രാഘേഷ് മാസ്റ്റർ, കാര്യപദ്ധതി എന്ന വിഷയത്തിൽ ദേശീയ നിർവ്വാഹക സമിതി അംഗം ഡോ വൈശാഖ് സദാശിവനും ‘ജനാധിപത്യത്തിന്റെ നാലാം തൂൺ’ മാധ്യമരംഗത്തെ അധികരിച്ച് പ്രമുഖ മാധ്യമ പ്രവർത്തകൻ ശ്യാം ബാബു കോറോത്ത് തുടങ്ങിയവർ സംസാരിച്ചു.
നാളെ ‘വിഷൻ 2025’ എന്ന വിഷയത്തിൽ RSS സഹ പ്രാന്ത പ്രചാരക് വി അനീഷ് സംസാരിക്കും.
![](https://vskkerala.com/wp-content/uploads/2023/06/whatsapp-image-2023-06-09-at-3.47.19-pm.jpeg)
![](https://vskkerala.com/wp-content/uploads/2023/06/whatsapp-image-2023-06-09-at-3.47.18-pm.jpeg)
![](https://vskkerala.com/wp-content/uploads/2023/06/whatsapp-image-2023-06-09-at-3.47.17-pm.jpeg)
![](https://vskkerala.com/wp-content/uploads/2023/06/whatsapp-image-2023-06-09-at-3.47.16-pm.jpeg)
![](https://vskkerala.com/wp-content/uploads/2023/06/whatsapp-image-2023-06-09-at-3.47.15-pm.jpeg)
![](https://vskkerala.com/wp-content/uploads/2023/06/whatsapp-image-2023-06-09-at-3.47.14-pm.jpeg)
Discussion about this post