കൂത്താട്ടുകുളം: ഒരു വിഭാഗം അല്ലെങ്കിൽ ഒരു കൂട്ടായമ നിരന്തരമായി സംഘത്തിനെതിരെ തെറ്റായ പ്രചാരണങ്ങൾ നടത്തുകയാണ്. ഇതിനെ ചെറുത്തു തോൽപ്പിക്കണം വിഭാഗ് സദ്ഭാവന പ്രമുഖ് പി.പി. രാജൻ പറഞ്ഞു. രാഷ്ട്രീയ സ്വയംസേവക് സംഘ് പിറവം ഖണ്ഡ് വിജയദശ്മി ആഘോഷത്തിന്റെ ഭാഗമായി ഇലഞ്ഞി ആലപുരംകണികാവ് ക്ഷേത്രമൈതാനത്ത് നടന്ന സാംഘികിൽ മുഖ്യപ്രഭാഷണം നടത്തുകയായിരുന്നു അദ്ദേഹം. ഭാരതത്തിന്റെ തത്വ ചിന്തകൾ ലോകം മുഴുവർ അംഗീകരിക്കുമ്പോൾ ഭാരതത്തിലെ ഒരു വിഭാഗം അതിനെ തള്ളിപ്പറയുകയാണ്. ഇന്ന് ഭാരതം നേടുന്ന ഓരോ വിജയങ്ങളും സനാധന ധർമ്മത്തിന്റെ വിജയം കൂടിയാണെന്ന് അദ്ദേഹം പറഞ്ഞു.
കലാനിലയം അനിൽകുമാർ അദ്ധ്യക്ഷനായ ചടങ്ങിൽ വിഭാഗ് കാര്യവാഹ് എൻ.എസ്. ബാബു എന്നിവർ സംസാരിച്ചു.
ഇലഞ്ഞിക്കാവിൽ നിന്ന് ആരംഭിച്ച് പഥസഞ്ചലനം ജില്ലാ സഹകാര്യവാഹ് ജിതിൻ, ജില്ലാശാരിരിക് ശിഷൻപ്രമുഖ് കെ.കെ. ഷിജു, ജില്ലാ പ്രചാർ പ്രമുഖ് കെ.കെ. മനോജ്, ആര്യൻ അജി, ജി.എസ്. ബൈജു, ഖണ്ഡ് കാര്യവാഹ് എം.സി. വിൻസെന്റ് എന്നിവർ നേതൃത്വം നൽകി.
Discussion about this post