നിലമ്പൂർ: മാനവ വിഭവ ശേഷിയെ രാഷ്ട്ര നന്മക്കായി സംഘടിപ്പിക്കുന്ന സംഘടനയാണ് രാഷ്ട്രീയ സ്വയംസേവക സംഘമെന്ന് രാഷ്ട്രീയ സ്വയംസേവക സംഘം ദക്ഷിണ ക്ഷേത്രീയ പ്രചാരക് പ്രമുഖ് ഒ.കെ. മോഹനൻ അഭിപ്രായപ്പെട്ടു. നിലമ്പൂർ എടക്കര ശിവശക്തി നഗറിൽ നടന്ന മലപ്പുറം സംഘ ജില്ലയുടെ വിജയദശമി മഹോത്സവത്തിൽ മുഖ്യഭാഷണം നിർവഹിച്ച് സംസാരിക്കുകയായിരുന്നു അദ്ദേഹം. റിട്ട.കേണൽ ആർ ജയന്തി അധ്യക്ഷത വഹിച്ചു. പി.പ്രജീഷ് സ്വാഗത ഭാഷണം നടത്തി. ജില്ലാ സംഘചാലക് കെ.കൃഷ്ണൻ കുട്ടി, സഹസംഘചാലക് എം. മുരളീധരൻ, വിഭാഗ് കാര്യവാഹ് കെ വിശ്വനാഥൻ എന്നിവർ സന്നിഹിതനായിരുന്നു. കേസരി വാരികയുടെ പ്രചരണോദ്ഘാടനവും വേദിയിൽ വെച്ച് നടന്നു. വിജയദശമി മഹോത്സവത്തിന്റെ ഭാഗമായി ആയിരങ്ങൾ പങ്കെടുത്ത പഥസഞ്ചലനം എടക്കര കലാസാഗർ ജംഗ്ഷനു സമീപത്തു നിന്നും ആരംഭിച്ച് പാലാട് ശിവശക്തി നഗറിൽ സമാപിച്ചു.
Discussion about this post