തലശ്ശേരി: ഹിന്ദു ഐക്യവേദിയുടെ മഹിളാ വിഭാഗമായ മഹിളാ ഐക്യവേദിയുടെ പത്താം സംസ്ഥാന സമ്മേളനം അഞ്ചിന് തലശ്ശേരി അമൃതാനന്ദമയി മഠത്തില്‍ മേജര്‍ ജനറല്‍ ടി. പദ്മിനി ഉദ്ഘാടനം ചെയ്യും. ആര്‍എസ്എസ് സംസ്ഥാന സഹ ബൗദ്ധിക്ക് ശിക്ഷണ്‍ പ്രമുഖ് പി.പി. സുരേഷ്ബാബു മുഖ്യപ്രഭാഷണം നടത്തും. തുടര്‍ന്ന് ജില്ലാ സംസ്ഥാന റിപ്പോര്‍ട്ട് അവതരണവും വിലയിരുത്തലും ഭാവി പരിപാടികളുടെ ആസൂത്രണവും. സമ്മേളനം പുതിയ സംസ്ഥാന ഭാരവാഹികളെ തെരഞ്ഞെടുക്കും. ഹിന്ദു ഐക്യവേദി സംസ്ഥാന പ്രസിഡന്റ്് കെ.പി. ശശികല ടീച്ചര്‍, വര്‍ക്കിങ് പ്രസിഡന്റ് വത്സന്‍ തില്ലങ്കേരി, ജനറല്‍ സെക്രട്ടറിമാരായ കെ.പി. ഹരിദാസ്, കെ. ഷൈനു എന്നിവര്‍ പ്രസംഗിക്കും.
സ്വാഗത സംഘം ചെയര്‍പേഴ്‌സണ്‍ പ്രൊഫ. ഡോ. വത്സലാശിവ പതാക ഉയര്‍ത്തുന്നതോടെ ആരംഭിക്കുന്ന സമ്മേളനത്തില്‍ മഹിളാ ഐക്യവേദി സംസ്ഥാന അധ്യക്ഷ നിഷ സോമന്‍ അധ്യക്ഷത വഹിക്കും. വര്‍ക്കിങ് പ്രസിഡന്റ് അനിതാ ജനാര്‍ദ്ദനന്‍, ജനറല്‍ സെക്രട്ടറിമാരായ ഷീജ ബിജു, ഓമന മുരളി, പി. സൗദാമിനി തുടങ്ങിയവര്‍ നേതൃത്വം നല്കും. സ്വാഗതസംഘം കണ്‍വീനര്‍മാരായ എ.പി. രാഗിണി ടീച്ചര്‍ സ്വാഗതവും എം. രജിത നന്ദിയും പറയും.
Discussion about this post