തിരുവനന്തപുരം: വിശ്വ സംവാദ കേന്ദ്രത്തിന്റെ നേതൃത്വത്തിൽ നാരദ ജയന്തി ആഘോഷവും പ്രഥമ കൃഷ്ണ ശർമ്മ സ്മാരക മാധ്യമ പുരസ്‌കാര സമർപ്പണവും നാളെ തിരുവനന്തപുരം പ്രസ് ക്ലബ്ബിൽ നടക്കും. വൈകുന്നേരം 3.30ന് പി. ഗിരീഷ് കുമാറിന്റെ അധ്യക്ഷതയിൽ ആരംഭിക്കുന്ന ചടങ്ങ് പ്രശസ്ത ചരിത്രകാരൻ ഡോ. ടി പി ശങ്കരൻകുട്ടി ഉദ്ഘാടനം നിർവഹിക്കും. കേസരി മുഖ്യ പത്രാധിപർ ഡോ. എൻ.ആർ മധു മുഖ്യ പ്രഭാഷണം നടത്തും. പ്രഥമ വി. കൃഷ്ണ ശർമ്മ സ്മാരക മാധ്യമ പുരസ്‌കാരം മാതൃഭൂമി ന്യൂസ് എഡിറ്റർ ഡോ. ജി പ്രസാദ് കുമാറിന് ഡോ. ടി പി ശങ്കരൻകുട്ടി സമ്മാനിക്കും.
ചടങ്ങിൽ മാധ്യമപ്രവർത്തകരായ പി.ശ്രീകുമാർ , കെ.പി കൈലാസ് നാഥ് തുടങ്ങിയവർ ആശംസ അറിയിക്കും. ഡോ. ജി പ്രസാദ് കുമാർ മറുപടി പ്രസംഗം നടത്തും. പുരസ്‌കാര സമിതി ജനറൽ കൺവീനർ വിസി അഖിലേഷ് സ്വാഗതവും കൺവീനർ ടി സന്തോഷ്‌ കുമാർ നന്ദിയും പറയും.
Discussion about this post