കൊച്ചി: തപസ്യ കലാസാഹിത്യവേദി യുടെ ഈ വർഷത്തെ പ്രൊഫ. തുറവൂർ വിശ്വംഭരൻ പുരസ്കാരം പ്രമുഖ എഴുത്തുകാരനും പ്രഭാഷകനും ചരിത്രകാരനും കലാ പണ്ഡിതനുമായ ഡോ. എം. ജി. ശശിഭൂഷന് നൽകും. സംസ്കാരത്തിന്റെ വിവിധ മേഖലകളിൽ നൽകിയ സംഭാവനകൾ കണക്കിലെടുത്താണ് പുരസ്കാരത്തിന് തെരഞ്ഞെടുത്തത്. ഡോ. സുവർണ നാലപ്പാട്ട്, പ്രൊഫ.കെ.പി. ശശിധരൻ, ഡോ. ശ്രീശൈലം ഉണ്ണികൃഷ്ണൻ എന്നിവരുടെ ജൂറിയാണ് പുരസ്കാര നിർണയം നടത്തിയത്. 50000 രൂപയും പ്രശസ്തിപത്രവും ഫലകവും അടങ്ങുന്നതാണ് പുരസ്ക്കാരം. നവംബർ 17 ന് എറണാകുളം സഹോദരൻ അയ്യപ്പൻ ഹാളിൽ നടക്കുന്ന മഹാഭാരത സമീക്ഷ യുടെ സമാപന പരിപാടിയിൽ പുരസ്കാരം നൽകും.
Discussion about this post