കൊച്ചി: വഖഫ് ബോർഡ് അനധികൃതമായി ഭൂമി കയ്യടക്കുന്നതിനെതിരെ മുനമ്പം ദേശവാസികൾ നടത്തുന്ന ഭൂ സംരക്ഷണ സമരത്തിന് എബിവിപി യുടെ ഐക്യദാർഢ്യം. എബിവിപി സംസ്ഥാന സെക്രട്ടറി ഇ യു ഈശ്വരപ്രസാദ്, സംസ്ഥാന പ്രവർത്തക സമിതി അംഗം കെ.എം വിഷ്ണു, ജില്ലാ സെക്രട്ടറി എം. എസ് വിഷ്ണു എന്നിവരുടെ നേതൃത്വത്തിൽ വിദ്യാർത്ഥികൾ സമരപന്തൽ സന്ദർശിക്കുകയും പൂർണമായും സമരത്തിനൊപ്പം നിലകൊള്ളുമെന്നും അറിയിച്ചു. മുനമ്പം നിവാസികൾ ഇത്രയും നാൾ കരമടച്ചും മറ്റ് നിയമങ്ങൾ പാലിച്ചും താമസിക്കുന്ന പ്രദേശത്ത് പെട്ടെന്ന് ഒരു ദിവസം അവകാശവാദം ഉന്നയിക്കുന്നത് ജനവഞ്ചനയാണ്.
ജനിച്ച് വീണ സ്വന്തം ഭൂമിയിൽ റവന്യൂ അവകാശങ്ങൾ കിട്ടാൻ വേണ്ടി 600 ലധികം കുടുംബങ്ങൾ കഴിഞ്ഞ 19 ദിവസങ്ങളായി നിരാഹാരം അനുഷ്ടിക്കുകയാണ്. ഒരു രേഖയുമില്ലാതെ ഏത് സ്ഥലത്തിനും എപ്പോൾ വേണമെങ്കിലും അവകാശം ഉന്നയിക്കാമെന്ന വഖഫ് ബോർഡിൻറെ വ്യാമോഹത്തിനെതിരെ ജനവികാരമുയരണമെന്ന് സർക്കാർ ഉടൻ വിഷയത്തിൽ ഇടപെടണമെന്നും എബിവിപി സംസ്ഥാന സെക്രട്ടറി ഈ യു ഈശ്വരപ്രസാദ് പറഞ്ഞു. വരും ദിവസങ്ങളിൽ ശക്തമായ സമരത്തിന് എബിവിപിയും നേതൃത്വം നൽകുമെന്ന് അദ്ദേഹം കൂട്ടിച്ചർത്തു
Discussion about this post