തിരുവനന്തപുരം: കേരളത്തിലെ സ്വാതന്ത്ര്യ ദിനാഘോഷങ്ങളിൽ ദേശീയ ഗീതമായ ‘വന്ദേമാതരം’ പൂർണ്ണമായി ആലപിക്കണമെന്ന് നിർദ്ദേശിച്ച് സംസ്ഥാന സർക്കാർ ഉത്തരവിറക്കി. വന്ദേമാതരം നിർബന്ധമാക്കാനുള്ള കേന്ദ്ര സർക്കാരിന്റെ തീരുമാനത്തെ തുടർന്നാണ് ചീഫ് സെക്രട്ടറി, തദ്ദേശ സ്വയംഭരണ വകുപ്പ് സെക്രട്ടറിക്ക് ഔദ്യോഗിക കത്ത് നൽകിയത്.
വന്ദേമാതരം ആലപിക്കുന്നതുമായി ബന്ധപ്പെട്ട് കേന്ദ്ര സർക്കാർ നേരത്തെ തന്നെ പുതിയ മാർഗ്ഗനിർദ്ദേശങ്ങൾ പുറപ്പെടുവിച്ചിരുന്നു. ചടങ്ങുകളിൽ സംസ്ഥാന ഗീതത്തിന് ശേഷം ദേശീയ ഗീതമായ വന്ദേമാതരവും, തുടർന്ന് ദേശീയ ഗാനവും ആലപിക്കണമെന്നാണ് പുതിയ നിർദ്ദേശം. സംസ്ഥാന ഗീതം ഇല്ലാത്ത സാഹചര്യങ്ങളിൽ ആദ്യം വന്ദേമാതരവും അതിനുശേഷം ദേശീയ ഗാനവും ആലപിക്കുന്ന ക്രമം പിന്തുടരണമെന്നും കത്തിൽ വ്യക്തമാക്കുന്നു.
Discussion about this post