തിരുവനന്തപുരം: കോട്ടയത്ത് വിശാല് നഗറില് (മാമന് മാപ്പിള ഹാള്) ഫെബ്രുവരി 6, 7, 8 തീയതികളില് നടക്കുന്ന എബിവിപി 41-ാം സംസ്ഥാന സമ്മേളനത്തിന്റെ ലോഗോ പ്രകാശനം ഗവര്ണര് രാജേന്ദ്ര വിശ്വനാഥ് ആര്ലേക്കര് നിര്വഹിച്ചു.
എബിവിപി സംസ്ഥാന സെക്രട്ടറി ഇ.യു. ഈശ്വരപ്രസാദ്, സംസ്ഥാന സംഘടനാ സെക്രട്ടറി എന്.സി.ടി. ശ്രീഹരി, ദേശീയ നിര്വാഹക സമിതി അംഗം ശ്രുതി എ.എസ്., തിരുവനന്തപുരം ജില്ല അധ്യക്ഷന് അരവിന്ദ് സി.ബി., മുന് അത്ലറ്റ് പദ്മിനി തോമസ് എന്നിവര് സന്നിഹിതരായിരുന്നു.
വിദ്യാഭ്യാസ മേഖലയിലെ ഭാരതീയവത്കരണവും വികസന കാഴ്ചപ്പാടുകളും, വന്ദേ മാതരത്തിന്റെ 150-ാം വാര്ഷികം, ഭാരതത്തിന്റെ ഭരണഘടനയുടെ 75-ാം വര്ഷവും അടിയന്തിരാവസ്ഥാ കാലഘട്ടത്തിന്റെ 50-ാം വര്ഷവും, ആര്എസ്എസിന്റെ ശതാബ്ദി വര്ഷം, പ്രൊഫ. യശ്വന്ത് റാവു കേല്ക്കര് 100-ാം ജന്മവാര്ഷികം തുടങ്ങി നിരവധി വിഷയങ്ങള് അക്ഷരനഗരിയിലെ 41-ാം സംസ്ഥാന സമ്മേളനം ചര്ച്ച ചെയ്യും.
Discussion about this post