കേരള വനവാസി വികാസകേന്ദ്രത്തിന്റെ ഇത്തവണത്തെ വനമിത്ര സേവാ പുരസ്കാരം നടന്‍ സന്തോഷ് പണ്ഡിറ്റിന് ലഭിച്ചു. കഴിഞ്ഞ പത്തു വര്‍ഷമായി കേരളത്തിലെ ആദിവാസി മേഖലയിലെ ജനങ്ങളുടെ ഉന്നമനത്തിനും പുരോഗതിക്കുമായി ചെയ്ത നിസ്വാര്‍ത്ഥ സേവനങ്ങള്‍ പരിഗണിച്ചാണ് അവാര്‍ഡിന് അർഹനായത്.
വയനാട്ടിലെ പനമരത്തു വച്ച്‌ നടന്ന ചടങ്ങിലാണ് അവാര്‍ഡ് നല്‍കിയത്.
തന്റെ ഔദ്യോഗിക, സിനിമ ജീവതത്തില്‍ നിന്നും ലഭിച്ച തുകയുടെ വലിയ ഒരു ഭാഗം തന്നെ ആദിവാസി ഊരുകളില്‍ നേരിട്ടെത്തി അവരുടെ കഷ്ടപ്പാടുകള്‍ കണ്ടറിഞ്ഞു സഹായിക്കുവാനായി സന്തോഷ് പണ്ഡിറ്റ് ചിലവഴിച്ചിട്ടുണ്ട്.
പ്രളയ ഭീകരതയില്‍ കേരളത്തിലെ ജനങ്ങള്‍ വരുതിയില്‍ ആയപ്പോഴും കൊറോണ സമയത്തും തന്റെ സിനിമാ പ്രവര്‍ത്തങ്ങള്‍ ഒഴിവാക്കി പൂര്‍ണമായും അവശയതയനുഭവിക്കുന്ന ജനവിഭാഗങ്ങളെ സഹായിക്കുവാന്‍ പ്രത്യേകിച്ച്‌ ആദിവാസി മേഖലയില്‍ പണ്ഡിറ്റ് നടത്തിയ പ്രവര്‍ത്തനങ്ങള്‍ പ്രശംസയും വാര്‍ത്താപ്രാധാന്യവും നേടിയിരുന്നു.
Discussion about this post