ന്യൂഡൽഹി: ഭീം ആർമിയും പോപ്പുലർ ഫ്രണ്ട് ഓഫ് ഇന്ത്യ യും തമ്മിലുള്ള സാമ്പത്തിക ഇടപാടുകൾ തങ്ങൾ അന്വേഷിക്കുന്നുണ്ടെന്ന് എൻഫോഴ്സ്മെന്റ് വിഭാഗം. പൗരത്വ നിയമഭേദഗതിക്കെതിരെ നടന്ന പ്രക്ഷോഭങ്ങൾക്ക് ഇന്ധനം പകരാൻ അനധികൃത പണമെത്തിയതിനെക്കുറിച്ചും ദുരിതമായി അന്വേഷണം നടക്കുന്നുണ്ട് എന്ന് അധികൃതർ വ്യക്തമാക്കി.
ഭീം ആർമി തലവൻ ചന്ദ്രശേഖർ ആസാദും റാഡിക്കൽ സംഘടനയായ പോപ്പുലർ ഫ്രണ്ട് ഓഫ് ഇന്ത്യയുടെ ചില ഉന്നത നേതാക്കളും തമ്മിലുള്ള ഫോൺകോളുകളെ ആസ്പദമാക്കി ഉടനെ ചോദ്യംചെയ്യൽ ഉണ്ടാകുമെന്നും ഔദ്യോഗിക വൃത്തങ്ങൾ അറിയിച്ചു. സി.എ.എ വിരുദ്ധ കലാപങ്ങൾക്കിടയിൽ, ജമാ മസ്ജിദ് മേഖലയിൽ നടന്ന ചില അക്രമസംഭവങ്ങളെ കുറിച്ച് രണ്ടുകൂട്ടരും ചർച്ചചെയ്തതിന്റെ വിശദാംശങ്ങളെക്കുറിച്ചാണ് അന്വേഷണം നടക്കുന്നത്.
കലാപത്തിനു മുന്നോടിയായി ഏതാണ്ട് 120 കോടി രൂപയോളമാണ് പോപ്പുലർ ഫ്രണ്ട് ഓഫ് ഇന്ത്യ നിരവധി അക്കൗണ്ടുകളിലായി നിക്ഷേപിച്ചതെന്ന് എൻഫോഴ്സ്മെന്റ് അധികൃതർ നേരത്തെ കണ്ടെത്തിയിരുന്നു.പ്രിവൻഷൻ ഓഫ് മണി ലോണ്ടറിംഗ് ആക്ട് പ്രകാരമാണ് ഇഡി അന്വേഷണം നടത്തുന്നത്.
