അയോദ്ധ്യ: പ്രാണപ്രതിഷ്ഠയോടെ രാമരാജ്യത്തിന് തുടക്കം കുറിക്കുകയാണെന്ന് ശ്രീരാമജന്മഭൂമിതീര്‍ത്ഥക്ഷേത്രത്തിന്റെ മുഖ്യപൂജാരി ആചാര്യ സത്യേന്ദ്രദാസ്. പ്രാണപ്രതിഷ്ഠാചടങ്ങുകള്‍ക്ക് മുമ്പ് എഎന്‍ഐയോട് സംസാരിക്കുകയായിരുന്നു അദ്ദേഹം. ഇവിടെ രാമരാജ്യത്തിന് തുടക്കമാവുകയാണ്. എല്ലാ അസമത്വങ്ങളും അവസാനിക്കുന്നു, സര്‍വരും സ്‌നേഹത്തോടെ പെരുമാറുന്നു. അയോദ്ധ്യയില്‍ നിന്നാണ് അതിമനോഹരമായ ഈ മാറ്റം ലോകമെങ്ങും പടരുന്നത്. സൗഹാര്‍ദത്തോടെ എല്ലാവരും കഴിയുന്ന കാലത്തിന്റെ തുടക്കമാണിത്. നമ്മള്‍ നന്മയില്‍ ജീവിക്കും. നമ്മെ ഓരോരുത്തരെയും ഭഗവാന്‍ ശ്രീരാമന്‍ അനുഗ്രഹിക്കും. സംഭവിച്ചതെല്ലാം നല്ലതാണ്. രാമഭക്തരുടെ ആഗ്രഹങ്ങള്‍ സാഫല്യത്തിലെത്തിയിരിക്കുന്നു. രാംലല്ല പ്രതിഷ്ഠിതനായതോടെ സമസ്ത പ്രയാസങ്ങളും അകന്നുപോയിരിക്കുന്നു, ആചാര്യ സത്യേന്ദ്രദാസ് പറഞ്ഞു.
