ആഗ്ര: സിഎസ്ആര് ഫണ്ടുകളുടെ വിനിയോഗത്തില് കലാപരിപാടികള്ക്ക് മുന്ഗണന നല്കണമെന്ന് ആഗ്രയില് ചേര്ന്ന സംസ്കാര് ഭാരതിയുടെ അഖില ഭാരതീയ പ്രബന്ധകാരിണി യോഗം ആവശ്യപ്പെട്ടു. സിഎസ്ആര് ഫണ്ടുകള് ഇപ്പോള് വിദ്യാഭ്യാസം, ആരോഗ്യം, പരിസ്ഥിതി, ശുചിത്വം, വനിതാ ശക്തീകരണം, ഗ്രാമവികസനം തുടങ്ങിയ പ്രധാന മേഖലകളില് വിനിയോഗിക്കപ്പെടുന്നു. കലാരംഗത്തെ പ്രവര്ത്തനങ്ങള്ക്കും ഇതിന് അര്ഹതയുണ്ട്.
ദേശീയ പൈതൃകത്തിന്റേയും കലയുടേയും സംസ്കാരത്തിന്റേയും സംരക്ഷണം, ചരിത്രപ്രാധാന്യമുള്ള കെട്ടിടങ്ങളും സൈറ്റുകളും കലാസൃഷ്ടികളും പുനരുദ്ധരിക്കല്, പൊതുജന ഗ്രന്ഥശാലകള് സ്ഥാപിക്കല്, പാരമ്പര്യകലകളുടേയും കൈത്തൊഴിലുകളുടേയും പ്രോത്സാഹനവും വികസനവും നിയമപ്രകാരം സിഎസ്ആറില് ഉള്പ്പെടുന്നു. ഈ വ്യവസ്ഥകളുടെ കീഴില് രാജ്യത്തുടനീളം നിരവധി ശാസ്ത്രീയവും ജനകീയവുമായ കലാമേളകള്, വര്ക്ഷോപ്പുകള്, പദ്ധതികള് തുടര്ച്ചയായി സംഘടിപ്പിക്കുന്നുണ്ട്.
സിഎസ്ആര് അനുബന്ധമായ മറ്റ് മേഖലകളിലും പൊതുജന അവബോധത്തിനായി കലാമാധ്യമങ്ങള് ഉപയോഗിച്ച് നിരവധി പരീക്ഷണങ്ങള് നടക്കുന്നു. എന്നിട്ടും 2023-24 സാമ്പത്തിക വര്ഷത്തില് ഈ മേഖലയ്ക്കായി വിനിയോഗിച്ച സിഎസ്ആര് ഫണ്ടുകള് ഏകദേശം രണ്ട് ശതമാനം മാത്രമാണ്. ഇത് ആശങ്കാജനകമാണ്. ഇതിന്റെ കാരണങ്ങള് പരിശോധിച്ച് പരിഹാരങ്ങള് കണ്ടെത്തണമെന്നും സംസ്കാര് ഭാരതി ആവശ്യപ്പെട്ടു. കലാരംഗത്ത് സിഎസ്ആര് ഫലപ്രദമായി നടപ്പാക്കാന് കോര്പ്പറേറ്റ് സ്ഥാപനങ്ങള്, കലാസംഘടനകള്, സര്ക്കാര് എന്നിവ തമ്മിലുള്ള ഏകോപനവും അത്യാവശ്യമാണ്.
സിഎസ്ആര് ഫണ്ടുകളുടെ വിനിയോഗത്തില് കലാരംഗത്തിന് മുന്ഗണന നല്കണമെന്ന് കമ്പനികളോടും സംസ്കാര് ഭാരതി അഭ്യര്ത്ഥിച്ചു. വിവിധ ശാസ്ത്രീയവും ജനകീയവുമായ കലാമേളകള്ക്ക് പിന്തുണ നല്കുക, ഗവേഷണ ചെയറുകള് സ്ഥാപിക്കുക, അന്യംനിന്ന് പോകാന് സാധ്യതയുള്ള കലാരൂപങ്ങളെ സംരക്ഷിക്കുകയും പ്രോത്സാഹിപ്പിക്കുകയും ചെയ്യുക തുടങ്ങിയ പ്രവര്ത്തനങ്ങള്ക്ക് കമ്പനികള് പിന്തുണ നല്കണം.
കലാരംഗത്ത് പ്രവര്ത്തിക്കുന്ന സംഘടനകളും സ്ഥാപനങ്ങളും സിഎസ്ആര് ഫണ്ടിങ്ങുമായി ബന്ധപ്പെട്ട വ്യവസ്ഥകള് ശരിയായി പഠിക്കണം. ഈ വിവരങ്ങള് കലാകാരന്മാരിലേക്ക് എത്തിക്കണം. ഇക്കാര്യത്തില് കമ്പനികളുമായി ആശയവിനിമയം നടത്തണം.
സംസ്കാര് ഭാരതിയുടെ പ്രവര്ത്തകര് ഈ ദിശയില് സജീവമായി പ്രവര്ത്തിക്കുകയും അവരുടെ ഉത്തരവാദിത്വങ്ങള് നിര്വഹിക്കുകയും വേണം. സിഎസ്ആറിന്റെ ഗുണഫലങ്ങള് കലാകാരന്മാര്ക്കും കലാസമിതികള്ക്കും സാംസ്കാരിക പരിപാടികള്ക്കും, പ്രത്യേകിച്ച് പ്രാദേശികവും ഗ്രാമീണവുമായ മേഖലകളില് ഫലപ്രദമായി എത്തുകയും ചെയ്യും.
Discussion about this post