ബെലഗാവി (കർണാടക): ആർഎസ്എസ് പ്രാന്ത പ്രചാരകന്മാരുടെ അഖില ഭാരതീയ ബൈഠക്കിന് ബെലഗാവിയിൽ തുടക്കമായി. ഭാവി പ്രവർത്തനങ്ങളും ശതാബ്ദി തുടർപ്രവർത്തനങ്ങളും ആസൂത്രണം ചെയ്യുന്നതിനാണ് മൂന്ന് ദിവസത്തെ ബൈഠക്ക് ഊന്നൽ നല്കുന്നത്.
സർസംഘചാലക് ഡോ. മോഹൻ ഭാഗവത്, സർകാര്യവാഹ് ദത്താത്രേയ ഹൊസബാളെ എന്നിവർ മാർഗദർശനം നല്കും. സഹസർകാര്യവാഹുമാർ, കാര്യവിഭാഗ് പ്രമുഖർ, സഹപ്രമുഖർ, കാര്യകാരി സദസ്യന്മാർ, ക്ഷേത്ര പ്രചാരകർ, സഹ ക്ഷേത്ര പ്രചാരകർ എന്നിവരും രാജ്യത്തെ 46 പ്രാന്തങ്ങളിലെ പ്രാന്ത പ്രചാരകർ, വിവിധക്ഷേത്ര സംഘടനകളുടെ അഖില ഭാരതീയ സംഘടനാ സെക്രട്ടറിമാർ തുടങ്ങിയവരും ബൈഠക്കിൽ പങ്കെടുക്കുന്നുണ്ട്.
രാജ്യത്തുടനീളം നടന്ന സംഘശിക്ഷാ വർഗുകളുടെ അവലോകനവും ബൈഠക്കിൽ ഉണ്ടാവും.
സംഘശതാബ്ദി പ്രവർത്തനങ്ങൾ വിജയദശമി ദിനമായ ഒക്ടോബർ 20 വരെ തുടരും. ഇതുവരെ നടന്ന പരിപാടികളുടെ അവലോകനവും വരാനിരിക്കുന്നവയുടെ ആസൂത്രണവും ബൈഠക്കിൽ ചർച്ച ചെയ്യും.
