തിരുവനന്തപുരം: പ്രശസ്ത നര്ത്തകി മല്ലികാ സാരാഭായിയെ കേരളാ കലാമണ്ഡലം കൽപിത സർവകലാശാലയുടെ ചാന്സലറായി നിയമിച്ചു. നേരത്തെ ഗവര്ണര് ആരിഫ് മുഹമ്മദ് ഖാനെ കലാമണ്ഡലം ചാന്സലര് സ്ഥാനത്ത് നിന്ന് നീക്കിക്കൊണ്ട് സര്ക്കാര് ഉത്തരവിറക്കിയിരുന്നു.
ഇതിനെ പിന്നാലെയാണ് സംസ്ഥാന സർക്കാർ ഉത്തരവിറക്കിയത്. കല്പ്പിത സര്വകലാശാലാ പദവിയാണ് കലാമണ്ഡലത്തിനുള്ളത് സാംസ്കാരിക വകുപ്പിന് കീഴിലാണ് കലാമണ്ഡലം പ്രവര്ത്തിക്കുന്നത്. ഇന്നാണ് മല്ലികാ സാരാഭായിയെ നിയമിച്ച് സര്ക്കാര് ഉത്തരവ് പുറപ്പെടുവിച്ചത്.
പുതിയ ചാന്സലര് ചുമതലയേറ്റെടുക്കും വരെ പ്രോ ചാന്സലറായ സാംസ്കാരിക വകുപ്പ് മന്ത്രി വിഎന് വാസവനായിരിക്കും ചാന്സലറുടെ ചുമതല. 75 വയസാണ് ചാന്സലറാകാനുള്ള പരമാവധി പ്രായമായി നിശ്ചയിച്ചിരിക്കുന്നത്. 2006 മുതല് സംസ്ഥാന ഗവര്ണറാണ് കലാമണ്ഡലത്തിന്റെ ചാന്സലര്.
Discussion about this post