കാസർകോട്: ഭക്ഷ്യ വിഷബാധയെ തുടർന്ന് കാസർകോട്ട് പെൺകുട്ടി മരണമടഞ്ഞു എന്ന റിപ്പോർട്ടുകളെ തുടർന്ന് ആരോഗ്യ വകുപ്പ് മന്ത്രി വീണാ ജോർജ് അന്വേഷണത്തിന് ഉത്തരവിട്ടു. ഇത് സംബന്ധിച്ച് അടിയന്തരമായി അന്വേഷിച്ച് റിപ്പോർട്ട് നൽകാൻ ഭക്ഷ്യ സുരക്ഷാ കമ്മീഷണർക്ക് നിർദേശം നൽകി. കാസര്കോട് തലക്ലായില് അഞ്ജുശ്രീ പാര്വ്വതിയാണ് മരിച്ചത്.
മംഗളൂരുവിലെ സ്വകാര്യ സ്ഥാപനത്തിലെ വിദ്യാര്ഥിനിയാണ് അഞ്ജുശ്രീ പാര്വ്വതി. ക്രിസ്മസ്- പുതുവത്സര അവധിക്ക് നാട്ടിലെത്തിയപ്പോൾ റമന്സിയ ഹോട്ടലില് നിന്നും ഓണ്ലൈനില് വരുത്തികഴിച്ച കുഴിമന്തിയിൽ നിന്നുമാണ് ഭക്ഷ്യവിഷബാധയേറ്റത്. ഇവിടെ നിന്നും ഭക്ഷണം കഴിച്ച കൂടുതല് പേര്ക്കും ഭക്ഷ്യവിഷബാധയേറ്റിരുന്നു.
ഭക്ഷ്യവിഷബാധയേത്തുടര്ന്ന് സംസ്ഥാനത്ത് ആറുദിവസത്തിനിടെ ജീവന് നഷ്ടപ്പെടുന്ന രണ്ടാമത്തെ സംഭവമാണിത്. കഴിഞ്ഞ തിങ്കളാഴ്ചയാണ് കോട്ടയം സംക്രാന്തിയില് ‘മലപ്പുറം കുഴിമന്തി’ ഹോട്ടലില് നിന്ന് വരുത്തിച്ച അല്ഫാം കഴിച്ച് നഴ്സായ രശ്മി മരിച്ചത്.
Discussion about this post