3-ാമത് പരമേശ്വര്‍ജി അനുസ്മരണം ജനുവരി 6ന്; എസ്. ജയശങ്കര്‍ പങ്കെടുക്കും

തിരുവനന്തപുരം: മൂന്നാമത് പി. പരമേശ്വർജി അനുസ്മരണ സമ്മേളനം ജനുവരി 6ന് നടക്കും. കഴക്കൂട്ടം അല്‍സാജ് കണ്‍വെന്‍ഷന്‍ സെന്ററില്‍ വൈകുന്നേരം 5 മണിക്ക് നടക്കുന്ന അനുസ്മരണ സമ്മേളനത്തിൽ കേന്ദ്ര വിദേശകാര്യമന്ത്രി ഡോ. എസ്. ജയശങ്കര്‍ പങ്കെടുക്കും. ‘നീതിയുക്തമായ ലോകക്രമം രൂപപ്പെടുത്തുന്നതില്‍ ഭാരത്തിന്റെ പങ്ക്; ഭാവിയിലേക്കുള്ള വീക്ഷണം’ എന്ന വിഷയങ്ങളെ അധികരിച്ചാണ് പ്രഭാഷണം.

1927 ഒക്ടോബർ 3ന് ആലപ്പുഴ മുഹമ്മയിൽ ജനിച്ച അദ്ദേഹം ഭാരതീയ രാജനൈതിക രം​ഗത്തെ ഒഴിച്ചുനിർത്താൻ സാധിക്കാത്ത വ്യക്തിത്വത്തിന്‌ ഉടമയാണ്. മുതിർന്ന ആർഎസ്എസ് പ്രചാരകനായ അദ്ദേഹം, ജനസംഘം ഉപാദ്ധ്യക്ഷൻ, വിവേകാനന്ദ കേന്ദ്രം പ്രസിഡന്റ്, ദീൻദയാൽ റിസർച്ച് ഇൻസ്റ്റിറ്റ്യൂട്ട് ഡയറക്ടർ തുടങ്ങി വിവിധ ചുമതലകൾ വഹിച്ചിട്ടുണ്ട്. 2018യിൽ പദ്മവിഭൂഷൺ നൽകി രാജ്യം അദ്ദേഹ​ത്തെ ആദരിച്ചു. വാർദ്ധക്യ സഹജമായ അസുഖങ്ങളെത്തുടർന്ന് 2020 ഫെബ്രുവരി 9നാണ് അദ്ദേഹം അന്തരിച്ചത്