കൊച്ചി: പ്രകൃതി സംരക്ഷണം വെറും മുദ്രാവാക്യമല്ല, മറിച്ച് അത് ജീവിത ശൈലിയായി ആചരിക്കണമെന്ന് രാഷ്ട്രീയ സ്വയംസേവക സംഘം. നിത്യജീവിതത്തില് ഇത് പ്രാവര്ത്തികമാക്കാന് മേടമാസത്തിന്റെ അവസാനമായ മെയ് 14ന് വീട്ടിലേയും ചുറ്റുവട്ടത്തേയും പ്ലാസ്റ്റിക് മാലിന്യങ്ങള് ശേഖരിക്കാന് ആര്എസ്എസ് പര്യാവരണ് സംരക്ഷണ് ഗതിവിധിയുടെ ആഹ്വാനം. ഇടവം ഒന്നായ മെയ് 15ന് വീടുകളില് തുളസിച്ചെടി നടാനും പ്രാന്ത സംഘചാലക് പി.ഇ.ബി. മേനോന് അഭ്യര്ഥിച്ചു. ആര്എസ്എസ് സാമൂഹ്യ സേവന പരിപാടിയുടെ ഭാഗമാണിത്.
പ്രകൃതി സംരക്ഷണം എന്നത് മുദ്രാവാക്യത്തില് ഒതുങ്ങാതെ ജീവിത ശൈലിയായി മാറണം. ഇതിനായി ഓരോരുത്തരും അവരവരുടെ വീടുകളില് നിന്നാണ് തുടക്കം കുറിക്കേണ്ടത്. ഈ സന്ദേശം നല്കിയാണ് 14ന് പരിസരം പ്ലാസ്റ്റിക് മുക്തമാക്കി 15ന് തുളസി തൈ നടാന് ആഹ്വാനം ചെയ്തിരിക്കുന്നത്. രാഷ്ട്രീയ സ്വയംസേവക സംഘത്തിന്റെ പരിസ്ഥിതി വിഭാഗമായ പര്യാവരണിന്റെ ആഭിമുഖ്യത്തിലാണ് പരിപാടി സംഘടിപ്പിക്കുന്നത്.
പ്രകൃതി സംരക്ഷണത്തിന്റെ മേഖലയില് ഒരേദിവസം നടക്കുന്ന ബൃഹത്തായ സാമൂഹ്യ പദ്ധതിയാകും ഇത്. ലോക്ഡൗണ് കാലത്ത് കൂടുതല് ഫലവത്തായി നടപ്പാക്കാനാകും. വീടിനുള്ളിലും പുറത്തും ചുറ്റുവട്ടത്തുമുള്ള പ്ലാസ്റ്റിക് മാലിന്യങ്ങള് ശേഖരിക്കുകയും ഭൂമി സംരക്ഷിക്കുകയുമാണ് പദ്ധതി. ശേഖരിക്കുന്ന പ്ലാസ്റ്റിക് വസ്തുക്കള് ശേഖരിക്കാന് തദ്ദേശസ്വയംഭരണ വകുപ്പിന്റെ സംവിധാനം നിലവിലുണ്ട്.
ഇടവം ഒന്നിന് വീടുകളില് കുടുംബാംഗങ്ങള് മുഴുവന് തുളസിച്ചെടി നട്ടുവളര്ത്തുന്നതാണ് അനുബന്ധ പരിപാടി. രോഗപ്രതിരോധത്തിലുള്പ്പെടെ ഔഷധ വീര്യം തെളിയിച്ചിട്ടുള്ള തുളസി ആത്മീയ പ്രാധാന്യവുമുള്ള ചെടിയാണ്. തുളസി വീട്ടിലുണ്ടായിരിക്കുന്നത് എല്ലാ തരത്തിലും ഗുണമാണ്. സ്വന്തം വീട്ടിലും അയലത്തും പരിചയക്കാരുടെ വീട്ടിലും തുളസിച്ചെടി വളര്ത്താന് പ്രേരിപ്പിക്കുന്നതാണ് ഈ ആശയം.
പര്യാവരണ് വിഭാഗും സേവാവിഭാഗും ചേര്ന്ന് ഈ വര്ഷം കേരളത്തില് ഒരു കോടി മരങ്ങള് വച്ച് പിടിപ്പിക്കാനാണ് ലക്ഷ്യം വെക്കുന്നത്. ഇതിന്റെ തുടക്കമെന്ന നിലയിലാണ് 15ന് തുളസി തൈകള് നടുന്നത്.
Discussion about this post