ഓച്ചിറ: ഉപനിഷത്തുക്കളുടെ സാര സര്‍വസ്വമാണ് ഭഗവദ്ഗീത എന്ന് ചിന്മയമിഷന്‍ കേരള ഘടകം അധ്യക്ഷന്‍ സ്വാമി വിവിക്താനന്ദ സരസ്വതി. ഓച്ചിറ പരബ്രഹ്മ ക്ഷേത്ര സന്നിധിയില്‍ നടന്ന ദക്ഷിണഭാരത സംന്യാസി സംഗമം ഉദ്ഘാടനം ചെയ്യുകയായിരുന്നു അദ്ദേഹം. ഉപനിഷത്തുകളുടെ സാരസര്‍വസ്വമാണ് ഭഗവദ്ഗീത എന്ന് അദ്ദേഹം പറഞ്ഞു.
വിവിധ ആശ്രമങ്ങളുടെയും സംന്യാസ ഗുരു പരമ്പരകളുടെയും സംയുക്താഭിമുഖ്യത്തിലാണ് ദക്ഷിണ ഭാരത സംന്യാസി സംഗമം നടന്നത്. ശിവ പ്രഭാകര സിദ്ധയോഗീശ്വരാ ആശ്രമം രമാദേവിയമ്മ അധ്യക്ഷയായി. ചെറുകോല്‍ ശുഭാനന്ദാശ്രമം സ്വാമി ഗീതാനന്ദജി, ബ്രഹ്മകുമാരീസ് ഈശ്വര്യ വിദ്യാലയം ബ്രഹ്മകുമാര്‍ അരവിന്ദാക്ഷന്‍, അവധൂതാശ്രമം സ്വാമി സാധു വിനോദ് കാസര്‍കോട്, ജനറല്‍ കണ്‍വീനര്‍ പ്രവീണ്‍ ശര്‍മ തുടങ്ങിയവര്‍ സംസാരിച്ചു.
Discussion about this post