ഗോരഖ്പൂര്(യുപി): രാഷ്ട്രപുരോഗതിയുടെ തലസ്ഥാനം യുവ ശക്തിയാണെന്ന് ആര്എസ്എസ് സഹസര്കാര്യവാഹ് അതുല് ലിമയെ. ഭാരതത്തിന്റെ ഭാവി യുവസമൂഹത്തിന്റെ ജീവിതമൂല്യങ്ങളെയും ചിന്തകളെയും പ്രവൃത്തികളെയും ആശ്രയിച്ചാണിരിക്കുന്നത്. സംസ്കൃതരും സംഘടിതരും ജാഗൃതരുമായ യുവസമൂഹം രാജ്യത്തെ വികസനത്തിന്റെയും സമൃദ്ധിയുടെയും പരമോന്നതിയിലെത്തിക്കും, സഹസര്കാര്യവാഹ് പറഞ്ഞു. സംഘശതാബ്ദിയുടെ ഭാഗമായി ആര്എസ്എസ് ഗോരഖ്പൂര് മഹാനഗര് ദക്ഷിണ ഭാഗ് സംഘടിപ്പിച്ച യുവസംവാദത്തില് സംസാരിക്കുകയായിരുന്നു അദ്ദേഹം.
അച്ചടക്കത്തോടെ, സ്വാശ്രയശീലരായി രാഷ്ട്രത്തിന് വേണ്ടി കഴിവും സമയവും സമര്പ്പിക്കാന് യുവാക്കള് തയാറാകണം. ജീവിതത്തിന്റെ സാര്ത്ഥകത വ്യക്തിഗതമായ പുരോഗതിയില് മാത്രമല്ല, സമൂഹത്തിന്റെയും രാഷ്ട്രത്തിന്റെയും ഉന്നമനവും നമ്മുടെ ലക്ഷ്യമാകണം. യുവസമൂഹം സമര്പ്പണഭാവം സ്വീകരിച്ചാല് നമ്മുടെ രാഷ്ട്രം ലോക നേതാവാകുന്നത് തടയാന് ആര്ക്കും കഴിയില്ല.സ്വന്തം കരിയറില് ഉയര്ന്ന പദവികളിലെത്തുന്നത് നല്ലതാണ്. എന്നാല് രാജ്യത്തിന് നിലവില് ആവശ്യം കരിയറിനൊപ്പം സമൂഹത്തിന്റെ ഒരുമയിലും സാംസ്കാരിക മൂല്യങ്ങളുടെ സംരക്ഷണത്തിലും ദേശീയ താല്പ്പര്യത്തിലും സജീവമായ പങ്ക് വഹിക്കുന്ന യുവാക്കളെയാണ്. ഇത് അവസരങ്ങളുടെ യുഗം മാത്രമല്ല, ചുമതലകളുടെയുമാണ്.
സമൂഹത്തില് സകാരാത്മകമാറ്റം കൊണ്ടുവരാന് യുവാക്കള് മുന്നോട്ട് വരണം. രാഷ്ട്രനിര്മ്മാണത്തില് യുവശക്തിയുടെ പങ്ക് നിര്ണായകമാണെന്ന് അതുല് ലിമയെ പറഞ്ഞു.
ഗോരക്ഷ പ്രാന്ത സംഘചാലക് ഡോ. മഹേന്ദ്ര അഗര്വാള്, ദിഗ്വിജയനാഥ് പോസ്റ്റ് ഗ്രാജുവേറ്റ് കോളജ് പ്രിന്സിപ്പല് ഡോ. ഓം പ്രകാശ് സിങ് എന്നിവരും വേദിയില് സന്നിഹിതരായിരുന്നു.
![{"remix_data":[],"remix_entry_point":"challenges","source_tags":[],"origin":"unknown","total_draw_time":0,"total_draw_actions":0,"layers_used":0,"brushes_used":0,"photos_added":0,"total_editor_actions":{},"tools_used":{"transform":1},"is_sticker":false,"edited_since_last_sticker_save":true,"containsFTESticker":false}](https://vskkerala.com/wp-content/uploads/2026/04/picsart_26-04-08_15-50-15-999-120x86.webp)
Discussion about this post