കാഞ്ഞങ്ങാട്: കേരളത്തിലെ വീടുകളില് പരിസ്ഥിതി സംരക്ഷണ ശീലം ഉറപ്പുവരുത്തി പരിസ്ഥിതി സംരക്ഷണ സമിതിയുടെ ശില്പശാല സമാപിച്ചു. നിത്യാനന്ദാശ്രമത്തില് നടന്ന രണ്ടു ദിവസത്തെ ശില്പശാലയില് പരിസ്ഥിതി പ്രവര്ത്തകരായ അബുക്ക അരീക്കോട്, ഡോ.ഹിലാല്, കണ്ടല് സുരേന്ദ്രന്, ക്രിസ്റ്റഫര് തിരുവല്ല, സുരേഷ് വനമിത്ര, സദാനന്ദന്, ബേബിലാല് എന്നിവര് ജലസംരക്ഷണം, വന സംരക്ഷണം, മാലിന്യ നിര്മ്മാര്ജനം, ജൈവകൃഷി, നിത്യജീവിതത്തിലെ രാസവസ്തുക്കളുടെ അപകടകരമായ ഉപയോഗം, ഗോ ആധാരിത ജീവനം-പഞ്ചഗവ്യ ചികിത്സ എന്നീ വിഷയങ്ങളില് പരിശീലനം നല്കി.
കാഞ്ഞങ്ങാട് നഗരത്തില് പൊതുനിരത്തില് ജനങ്ങളുമായി സംവദിച്ച പരിസ്ഥിതി പ്രവര്ത്തകര് നിത്യജീവിതത്തില് മാലിന്യ സംസ്കരണം നടത്തുന്നതുമായി ബന്ധപ്പെട്ട ഗുണങ്ങളും പ്രായോഗിക വിഷമതകളും ജനങ്ങളുമായി പങ്കുവെച്ചു. വീടുകള് പരിസ്ഥിതി സൗഹൃദമാക്കാന് ഹരിതഗൃഹം പദ്ധതി വ്യാപകമാക്കും.
ആര്എസ്എസ് പ്രാന്തപ്രചാരക് എസ്. സുദര്ശന്, ദക്ഷിണ ക്ഷേത്ര കാര്യകാരി അംഗം പി.ആര്.ശശിധരന്, പര്യാവരണ് സംരക്ഷണ് ഗതിവിധി ദക്ഷിണ-ദക്ഷിണ മദ്ധ്യക്ഷേത്ര സംയോജകന് ഗണപതി ഹെഗ്ഡേ, പരിസ്ഥിതി സംരക്ഷണ സമിതി സംസ്ഥാന സംയോജകന് ടി.എസ്.നാരായണന്, സഹസംയോജകന് രാജേഷ് ചന്ദ്രന് എന്നിവര് മാര്ഗദര്ശനം നല്കി.
Discussion about this post