മനുഷ്യ നിർമാണ പ്രക്രിയയിൽ സംഘ കാര്യപദ്ധതി മഹനീയമായതാണ് : ടി.ശങ്കർ

വാഴക്കോട് : രാഷ്ട്രീയ സ്വയംസേവക സംഘത്തിന്റെ സ്വയംസേവക നിർമാണത്തിനായുള്ള കാര്യപദ്ധതി സർവ്വശ്രേഷ്ടമായതാണെന്നും അത് സമാജത്തിന് കരുത്തേകികൊണ്ടിരിക്കുന്നു എന്നും ആർഎസ്എസ് ദക്ഷിണ ക്ഷേത്രീയ ശാരീരിക് ശിക്ഷൻ പ്രമുഖ് ടി.ശങ്കർ പറഞ്ഞു. വാഴക്കോട് റാണ പ്രതാപ് ശാഖ വാർഷികോത്സവത്തിൽ മുഖ്യപ്രഭാഷണം നടത്തുകയായിരുന്നു അദ്ദേഹം. വാഴക്കോട് റാണപ്രതാപ് ശാഖ വാർഷികോത്സവം വാഴക്കോട് ക്ഷേത്ര പരിസരത്തു നടന്നു.

മനുഷ്യ നിർമ്മാണ പ്രവർത്തനത്തിൽ സംഘ കാര്യ പദ്ധതി മഹനീയമായതാണ്, ദേശ ഭക്തി, സംസ്കാരം, സ്വയം പ്രതിരോധം, ബുദ്ധി വികാസം, തുടങ്ങി മനുഷ്യന് ആവശ്യമായതെല്ലാം ശാഖയിൽ നിന്ന് സ്വയംസേവകനും അതു വഴി സമാജവും നേടുന്നു. ഒരാജ്ഞയിൽ ഒരേ താളത്തിൽ വ്യത്യസ്ത പ്രവർത്തനം വേഗത്തിൽ ചെയ്തു പൂർത്തിയാക്കി ഒരുമിച്ച് നീങ്ങാൻ പഠിപ്പിക്കുന്ന ഗണ സമതയും, ചരിത്രവും കഥകളും ഓർമിപ്പിക്കുന്ന സംഘസ്ഥാനിലെ ഗണഗീതം സ്വയംസേവകരെ ആദർശ ധിരരാക്കുന്നു, ഘോഷിന്റെ താളത്തിൽ ചെയ്യുന്ന യോഗ് മാനസിക ഐക്യവും താളബോധവും നൽകുന്നു. ഈ കാര്യപദ്ധതിയാണ് യുദ്ധരംഗത്ത് സൈനികരുടെ കൂടെ പോയി സഹായിക്കാനും, ദുരിതമനുഭവിക്കുന്ന സഹോദരങ്ങളെ സഹായിക്കാനും പ്രേരണ നൽകുന്നത്, പ്രകൃതിയുമായി ലയിച്ചു ജിവിക്കാനും കുടുംബത്തിൽ മൂല്യത്തെ പകർന്നുനൽകാനും സ്വയംസേവകനെ തയ്യാറാക്കി സമാജത്തെ നേരെ നയിക്കാനും സംഘ കാര്യപദ്ധതി കൊണ്ട് സാധിക്കുന്നു വെന്നും അദ്ദേഹം മാർഗദർശനത്തിൽ സൂചിപ്പിച്ചു.

കോട്ടക്കൽ ആര്യവൈദ്യശാല മുൻ ഡെപ്യൂട്ടി ചിഫ് ഫിസിഷനും ചിഫ് മെഡിക്കൽ ഓഫീസറും ആയിരുന്ന ഡോ. എം വി വാസുദേവൻ അധ്യക്ഷത വഹിച്ചു. ഭാരതീയ മൂല്യങ്ങൾ ഉൾക്കൊണ്ട്‌ ജീവിക്കുമ്പോൾ ആണ് നാം ആരോഗ്യകരമായും മാനസിക പരമായും സുശക്തരാകുന്നത് എന്നും അതുകൊണ്ട് ഭാരതീയ മൂല്യങ്ങൾ ശരിയായ രീതിയിൽ തന്നെ ജീവിതത്തിൽ കൊണ്ടുവരണമെന്നും അത് അനുസരിച്ചു ജീവിക്കാൻ നാം ശ്രദ്ധിക്കണമെന്നും അപ്പോൾ നമ്മുടെ സമാജം ശക്തമാകുമെന്നും അധ്യക്ഷ ഭാഷണത്തിൽ ഡോ. എം.വി വാസുദേവൻ സൂചിപ്പിച്ചു.

രാഷ്ട്രീയ സ്വയംസേവക സംഘം മാനനീയ ജില്ല സഹ സംഘചാലക് ശ്രീ. പി ഉണ്ണികൃഷ്ണൻ, കണ്ണൂർ വിഭാഗ് സഹ ശാരീരിക് പ്രമുഖ് കെ സനൽ, കാഞ്ഞങ്ങാട് ജില്ലാ കാര്യവാഹ് പി ബാബു അഞ്ചാം വയൽ, ജില്ലാ പ്രചാരക് രഞ്ജിത്ത്, ഹോസ്ദുർഗ് ഖണ്ഡ് കാര്യവാഹ് ടി. വിവേകാനന്ദൻ തുടങ്ങിയവർ സംബന്ധിച്ചു. ശാഖാ കാര്യവാഹ് കെ. ശശിധരൻ സ്വാഗതം പറഞ്ഞു. അമ്മമാരും അഥിതികളും ചേർന്ന് 500 പേര് പങ്കെടുത്ത പരിപാടിയിൽ 170 ഗണവേഷധാരികൾ പങ്കെടുത്തു. വൈകുന്നേരം 3 മണിക്ക് നെല്ലിത്തറ പൂങ്കാവനം സഭ മൺഡപ പരിസരത്തുനിന്ന് ആരംഭിച്ച പഥസഞ്ചലനത്തിൽ 137 സ്വയം സേവകർ സഞ്ചലനം നടത്തി. വാർഷികോത്സവ കര്യക്രമത്തിൽ 41 ഘോഷ് വാദകർ 6 വാദ്യോ പകരണങ്ങളിൽ 15 രചനകൾ വായിച്ചുകൊണ്ട് 20 മിനുട്ട് നീണ്ട 9 വ്യൂഹങ്ങൾ ചേർന്ന “സ്വരസാഗർ” ഘോഷ് പ്രദർശനവും നടന്നു.