കൊച്ചി: സ്ത്രീകളില് ഉറങ്ങിക്കിടക്കുന്ന ഇച്ഛാശക്തിയെ ഉണര്ത്തി സമൂഹനന്മയ്ക്കായി ഉപയോഗിക്കണമെന്ന് കന്യാകുമാരി വിവേകാനന്ദകേന്ദ്രം വൈസ് പ്രസിഡന്റ് നിവേദിത ഭിഡെ. എറണാകുളം ടൗണ്ഹാളില് നടന്ന അമൃതോത്സവം വനിതാസമ്മേളനം ഓണ്ലൈനായി ഉദ്ഘാടനം ചെയ്യുകയായിരുന്നു അവര്.
പത്മശ്രീ കെ.വി. റാബിയ സന്ദേശം നല്കി. ഗാര്ഹിക തൊഴിലാളി എസ്. സന്ധ്യ, മത്സ്യത്തൊഴിലാളി കല പ്രസാദ്, ട്രാന്സ്ജെന്ഡര് ഭവിക് നായര്, സിഫ്റ്റ് ഡയറക്ടര് സയന്റിസ്റ്റ് ഡോ. ലീല എഡ്വിന്, ഐഎംഎ പ്രസിഡന്റ് ഡോ. മരിയ വര്ഗീസ്, അധ്യാപിക ഡോ. ലക്ഷ്മി വിജയന്, മേജര് അമ്പിളിലാല് കൃഷ്ണ, സംരംഭക ശ്രീജ ഗോപകുമാര്, കഥകളിനര്ത്തകി രഞ്ജിനി സുരേഷ് എന്നിങ്ങനെ വിവിധ തുറകളില് ശ്രദ്ധേയരായ ഒന്പത് വനിതകള് ഒന്പത് തിരിയിട്ട നിലവിളക്ക് തെളിച്ചു.
സ്വാതന്ത്ര്യ സമരചരിത്രത്തിലെ വീരാംഗനകള് എന്ന വിഷയത്തില് ഡോ. ലക്ഷ്മി വിജയന് പ്രബന്ധം അവതരിപ്പിച്ചു. രാഷ്ട്രത്തിനാകെ പ്രേരണയായ നിരവധി വീരാംഗനകളാണ് ചരിത്രത്തില് നിന്ന് ബോധപൂര്വം മറയ്ക്കപ്പെട്ടതെന്ന് അവര് പറഞ്ഞു. സ്വാതന്ത്ര്യപോരാട്ടത്തില് അണിനിരന്ന ആ പോരാളികള്ക്ക്, മത, ജാതി, ദേശ ഭേദമില്ലായിരുന്നു. വനവാസികള് മുതല് മഹാറാണിമാര് വരെ യുദ്ധം ചെയ്ത് നേടിയതാണ് നമ്മുടെ സ്വാതന്ത്ര്യമെന്ന് ലക്ഷ്മി വിജയന് ഓര്മ്മിപ്പിച്ചു.
അമൃതമഹോത്സവം പരിപാടി സംഘടിപ്പിച്ചില്ലായിരുന്നുവെങ്കില് മണ്മറഞ്ഞുപോയ വീരാംഗനകള്, ധീരദേശാഭിമാനികള്, സ്ത്രീരത്നങ്ങള് എന്നിവരെ ഓര്മ്മിക്കില്ലായിരുന്നുവെന്ന് മേജര് അമ്പിളി ലാല് കൃഷ്ണ അധ്യക്ഷ പ്രഭാഷണത്തില് പറഞ്ഞു. തുടര്ന്ന് ആത്മനിര്ഭര ഭാരതത്തിലെ സ്ത്രീ പങ്കാളിത്തം എന്ന വിഷയത്തില് ലേഖ ബാലചന്ദ്രന്, നിഷ സതീഷ്, ശ്രീജ ഗോപകുമാര് എന്നീ സംരംഭകര് സംസാരിച്ചു. കവി എസ്. രമേശന് നായര് രചിച്ച കന്യാകുമാരി കടല് തിരമാലകള് എന്ന ദേശഭക്തിഗാനം വനിത ജനപ്രതിനിധികള് സംയുക്തമായി ആലപിച്ചു. വനിതാസമ്മേളനം സംയോജക സി.വി. സജിനി, അമൃതമഹോത്സവ് ജില്ലാ ചെയര്മാന് മധു എസ്. നായര്, ജില്ലാ സംയോജക് എ.കെ. സനന് തുടങ്ങി നിരവധി പ്രമുഖര് സംസാരിച്ചു. പരിപാടിയുടെ ഭാഗമായി വനിതാ സംരംഭകര്ക്ക് സൗജന്യ എക്സിബിഷന് സ്റ്റാളും ഒരുക്കിയിരുന്നു.
![{"remix_data":[],"remix_entry_point":"challenges","source_tags":[],"origin":"unknown","total_draw_time":0,"total_draw_actions":0,"layers_used":0,"brushes_used":0,"photos_added":0,"total_editor_actions":{},"tools_used":{"transform":1},"is_sticker":false,"edited_since_last_sticker_save":true,"containsFTESticker":false}](https://vskkerala.com/wp-content/uploads/2026/04/picsart_26-04-08_15-50-15-999-120x86.webp)
Discussion about this post