ആർ എസ് എസ് കാര്യകാരി മണ്ഡൽ ബൈഠക്കിന് തുടക്കം

ഭുജ് (ഗുജറാത്ത്) : ആർ എസ് എസ് അഖില ഭാരതീയ കാര്യകാരി മണ്ഡൽ ബൈഠക്കിന് ഭുജിലെ കച്ഛി ലേവാ പട്ടേൽ സമാജത്തിന്റെ സർദാർ പട്ടേൽ വിദ്യാ സമുച്ചയത്തിൽ സമാരംഭമായി. ബൈഠക് കേന്ദ്രമായ മാതൃശ്രീ ധൻബായ് പ്രേംജി ഗംഗാജി ഭുഡിയ കമ്മ്യൂണിറ്റി ഹാളിൽ തയാറാക്കിയ ഭാരത മാതാ ചിത്രത്തിൽ സർസംഘചാലക് ഡോ. മോഹൻ ഭാഗവത്, സർകാര്യവാഹ് ദത്താത്രേയ ഹൊസബാളെ എന്നിവർ പുഷ്പാർച്ചന നടത്തി.

അഖില ഭാരതീയ ചുമതലയുള്ളവർ, ക്ഷേത്രീയ , പ്രാന്തീയ തലത്തിലുള്ള സംഘചാലകന്മാർ , കാര്യവാഹുമാർ , പ്രചാരകന്മാർ, ചില വിവിധക്ഷേത്ര സംഘടനകളുടെ സംഘടനാ കാര്യദർശി മാർ എന്നിവരാണ് പ്രതിനിധികൾ. 45 പ്രാന്തങ്ങളിൽ നിന്നും 11 ക്ഷേത്രങ്ങളിൽ നിന്നുമായി 382 പ്രതിനിധികൾ പങ്കെടുക്കുന്നുണ്ട്. സർകാര്യവാഹ് ദത്താത്രേയ ഹൊസബാളെ പ്രതിനിധികളെ ബൈഠക്കിലേക്ക് സ്വാഗതം ചെയ്തു. മൂന്ന് ദിവസത്തെ കാര്യകാരി മണ്ഡൽ യോഗം ഏഴിന് വൈകിട്ട് സമാപിക്കും.