തിരുവനന്തപുരം: പ്രാണ പ്രതിഷ്ഠയുമായി ബന്ധപ്പെട്ട് കേരളത്തിൽ നിന്ന് രാമക്ഷേത്രത്തിലേക്ക് ഓണവില്ല് സമർപ്പിക്കും. ശ്രീപദ്മനാഭ സ്വാമി ക്ഷേത്രത്തിൽ നിന്നാണ് ഓണവില്ല് സമർപ്പിക്കുന്നത്. ഇന്ന് വൈകുന്നേരം 5.30-ന് ക്ഷേത്രത്തിലെ കിഴക്കേ നടയിൽ നടക്കുന്ന ചടങ്ങിൽ തന്ത്രി തരണനല്ലൂർ സതീഷൻ നമ്പൂതിരിപ്പാട് ഭരണസമിതി അംഗങ്ങളായ അവിട്ടം തിരുനാൾ ആദിത്യവർമ, തുളസി ഭാസ്‌കരൻ എന്നിവരാകും ഓണവില്ല് കൈമാറുക.
ആയിരങ്ങളുടെ നാമജപത്തോടെ നഗരപ്രദക്ഷിണത്തിന് ശേഷം എറണാകുളം പാവക്കുളം ക്ഷേത്രത്തിലേക്ക് കൊണ്ടുപോകും. 21-നാകും വിമാനമാർദ്ദം അയോദ്ധ്യയിൽ എത്തിക്കുക. ഇന്ന് രാവിലെ മുതൽ ഓണവില്ല് ദർശിക്കുന്നതിനുള്ള അവസരം സജ്ജമാക്കിയിട്ടുണ്ട്.
