തിരുവനന്തപുരം: മൂല്യവര്ദ്ധിത കൃഷി മിഷന് രൂപീകരിക്കാന് മന്ത്രിസഭായോഗം തീരുമാനിച്ചു. കൃഷിക്കാരുടെ വരുമാനം, കാര്ഷികോല്പ്പാദനക്ഷമത, ഉല്പ്പന്ന സംഭരണം, ഉല്പ്പന്നങ്ങളുടെ വില, മൂല്യവര്ദ്ധിത പ്രവര്ത്തനങ്ങളുടെ വരുമാനം, മറ്റു അനുബന്ധ വരുമാനങ്ങള് എന്നിവയില് വര്ദ്ധനവ് വരുത്തുകയാണ് ലക്ഷ്യം.
മുഖ്യമന്ത്രി ചെയര്പേഴ്സണും കൃഷി മന്ത്രി, വ്യവസായ മന്ത്രി എന്നിവര് വൈസ് ചെയര് പേഴ്സണ്മാരും തദ്ദേശ സ്വയംഭരണം, സഹകരണം, ധനകാരംയ, ജലവിഭവം, മൃഗസംരക്ഷണം, മത്സ്യബന്ധനം, വൈദ്യുതി, ഭക്ഷ്യം എന്നീ വകുപ്പു മന്ത്രിമാര് അംഗങ്ങളായും ഗവേണിംഗ് ബോഡി രൂപീകരിക്കും. കാര്ഷിക വ്യവസായവും സാങ്കേതികവിദ്യയും, അറിവ് പങ്കിടലും ശേഷി വര്ദ്ധിപ്പിക്കലും, വിപണനം, ധനകാര്യം പോലുള്ള വിഷയങ്ങളില് മൂല്യ വര്ദ്ധിത കൃഷി മിഷന്റെ മുമ്പാകെ സബ് ആക്ഷന് പ്ലാനുകള് സമര്പ്പിക്കുന്നതിന് സബ് വര്ക്കിംഗ് ഗ്രൂപ്പുകള്/റിസോഴ്സ് സപ്പോര്ട്ട് ഗ്രൂപ്പുകള് രൂപീകരിക്കും. സംസ്ഥാനതലത്തില് മിഷന്റെ പ്രവര്ത്തനങ്ങള് ഏകോപിപ്പിക്കുന്നതിന് ഒരു കോ-ഓര്ഡിനേറ്ററെ നിയമിക്കും. കൃഷി വകുപ്പില് നിന്നുള്ള ഒരു ഉദ്യോഗസ്ഥനെ ചീഫ് ഓപ്പറേറ്റിംഗ് ഓഫീസറായി നിയമിക്കും. കൃഷി വകുപ്പിന്റെ അംഗീകാരത്തോടെ സബ് വര്ക്കിംഗ് ഗ്രൂപ്പ് റിസോഴ്സ് പേഴ്സണ്മാരെ നിയമിക്കും.
ഗവണ്മെന്റ് പ്ലീഡര്
വയനാട് ജില്ലാ ഗവണ്മെന്റ് പ്ലീഡര് ആന്റ് പബ്ലിക്ക് പ്രോസിക്യൂട്ടറായി എം.കെ. ജയപ്രമോദിനെ നിയമിക്കും.
ഭൂമി കൈമാറ്റം
കോന്നി ചിറ്റാര് വില്ലേജില്പ്പെട്ട 80.94 ആര് സര്ക്കാര് പുറമ്പോക്ക് ഭൂമി സ്ത്രീകളുടെയും കുട്ടികളുടേയും ആശുപത്രി നിര്മ്മാണത്തിന് കൈമാറും. രണ്ട് സേവന വകുപ്പുകള് തമ്മിലുള്ള ഭൂമി കൈമാറ്റ വ്യവസ്ഥകള്ക്കും നിബന്ധനകള്ക്കും വിധേയമായി സ്ഥലത്തിന്റെ ഉടമസ്ഥാവകാശം റവന്യൂ വകുപ്പില് നിലനിര്ത്തി കൈവശാവകാശം ആരോഗ്യ-കുടുംബക്ഷേമ വകുപ്പിന് കൈമാറും.
സേവന വേതന വ്യവസ്ഥകള് പരിഷ്ക്കരിക്കും
കൃഷി, മൃഗ സംരക്ഷണം, ക്ഷീര വികസനം എന്നീ വകുപ്പുകളിലെ ഫാം തൊഴിലാളികളുടെ സേവന വേതന വ്യവസ്ഥകള് പരിഷ്ക്കരിക്കും.
ശമ്പള പരിഷ്ക്കരണം
സെന്റര് ഫോര് ഡെവലപ്പ്മെന്റ് സ്റ്റഡീസിലെ നോണ് അക്കാദമിക്ക് ജീവനക്കാര്ക്ക് വ്യവസ്ഥകളോടെ 11-ാം ശമ്പള പരിഷ്ക്കരണം നടപ്പാക്കാന് തീരുമാനിച്ചു.
തുടര്ച്ചാനുമതി നല്കും
സാമ്പത്തിക സ്ഥിതിവിവര കണക്ക് വകുപ്പിലെ 1012 താല്ക്കാലിക തസ്തികകള്ക്ക് 1.04.2021 മുതല് 31.03.2022 വരെ തുടര്ച്ചാനുമതി നല്കും. കേന്ദ്ര പ്ലാന് വിഭാഗത്തിലെ 872 തസ്തികകളും സംസ്ഥാന പ്ലാന്ഹെഡ്ഡിലെ കംപ്യൂട്ടര് വിഭാഗത്തിലെ ഡെപ്യൂട്ടി ഡയറക്ടറുടെ ഒരു തസ്തികയും, നോണ്പ്ലാന് ഹെഡ്ഡിലെ 139 തസ്തികകളും ഉള്പ്പെടെയാണിത്.
![{"remix_data":[],"remix_entry_point":"challenges","source_tags":[],"origin":"unknown","total_draw_time":0,"total_draw_actions":0,"layers_used":0,"brushes_used":0,"photos_added":0,"total_editor_actions":{},"tools_used":{"transform":1},"is_sticker":false,"edited_since_last_sticker_save":true,"containsFTESticker":false}](https://vskkerala.com/wp-content/uploads/2026/04/picsart_26-04-08_15-50-15-999-120x86.webp)
Discussion about this post