ബാകു: ചെസ് ലോകകപ്പില്‍ ഇന്ന് നടന്ന രണ്ടാം റൗണ്ടിലും ഇന്ത്യന്‍ കൗമാര താരം പ്രഗ്‌നാനന്ദ ലോക ഒന്നാം നമ്പര്‍ താരമായ നോര്‍വേയുടെ മാഗ്‌നസ് കാള്‍സനെ സമനിലയില്‍ പിടിച്ചുകെട്ടി. ഇന്നലെ നടന്ന ആദ്യ റൗണ്ടും സമനിലയില്‍ കലാശിച്ചിരുന്നു. ഇതോടെ വ്യാഴാഴ്ച നടക്കുന്ന ടൈ-ബ്രേക്കറുകള്‍ വിജയിയെ തീരുമാനിക്കും.
രണ്ടാം ഗെയിം 30 നീക്കത്തില്‍ സമനിലയില്‍ അവസാനിക്കുകയായിരുന്നു. ഇന്നലത്തെ ആദ്യ റൗണ്ട് മത്സരം 35 നീക്കത്തിന് ശേഷം സമനിലയില്‍ അവസാനിച്ചിരുന്നു.
റാപിഡ് ഫോര്‍മാറ്റിലാണ് രണ്ട് ടൈ-ബ്രേക്കറുകള്‍.ഇന്ത്യന്‍ സമയം വൈകിട്ട് 4.30ന് പോരാട്ടം തുടങ്ങും.
അഞ്ച് തവണ ലോക ചാമ്പ്യനായ മാഗ്‌നസ് കാള്‍സണ്‍ നിലവിലെ ലോക ഒന്നാം നമ്പര്‍ താരമാണ്. 18 വയസ് മാത്രമുള്ള ആര്‍ പ്രഗ്‌നാനന്ദ ലോക രണ്ടാം നമ്പര്‍ താരം ഹികാരു നകമുറ, മൂന്നാം നമ്പര്‍ താരം ഫാബിയാനോ കരുവാനോ എന്നിവരെ തോല്‍പ്പിച്ചാണ് ഫൈനലില്‍ കടന്നത്.
ലോക ചാമ്പ്യനായ മാഗ്‌നസ് കാള്‍സനെ ആര്‍ പ്രഗ്‌നാനന്ദ മുമ്പ് പരാജയപ്പെടുത്തിയ ചരിത്രമുണ്ട്.
Discussion about this post